बेलासपुर म महाकवि कपिलनाथ कश्यप जयंती अउ सम्मान समारोह सम्पन्न

बिलरसपुर, छत्तीसगढ़ के महाकवि कपिलनाथ कश्यप जी के 113 वीं जयंती माइ पहुना डॉ डी पी अग्रवाल समाजसेवी अउ डॉ विनय कुमार पाठक पूर्व अध्यक्ष छत्तीसगढ़ राजभाषा आयोग के अध्यक्षता मा बिलासपुर म सम्पन्न होइस। ए मउका मा डॉ परदेशी राम वर्मा कहानीकार अउ समीक्षक भिलाई ल ‘छत्तीसगढ़ विभूति अलंकरण’ अउ संजीव तिवारी साहित्यकार संपादक वेब पोर्टल गुरतुर गोठ दुर्ग ल ‘महाकवि कपिलनाथ कश्यप साहित्य सम्मान’ अतिथी मन दुआरा देहे गइस। संगे – संग महाकवि रचित ‘छत्तीसगढ़ी रामायन’ के विमोचन अउ उंखर गीत ला डॉ जगदिश कुलदीप, श्री नारायण चंद्राकर अउ संगी मन दुआरा प्रस्तुत करे गइस।
डॉ विनय कुमार पाठक अउ डॉ विनोद कुमार वर्मा दुआरा लिखित ‘छत्तीसगढ़ी व्याकरण’ सम्मानित अतिथी मन ल भेंट करे गइस। सुवागत भाषण समिति के अध्यक्ष श्री गणेश कश्यप अउ संचालन श्री अरविन्द कश्यप दुआरा करे गइस। ए मउका मा विवेक तिवारी, राघवेंद्र दुबे, महेश श्रीवास, डॉ प्रदीप निर्णेजक, डॉ रेखा पालेश्वर, बी आर कौशिक, बद्री केंवट संग नगर के साहित्यकार अउ नागरिक मन उपस्थित रहीन।

लउछरहा..