डॉ. खूबचंद बघेल के पुण्यतिथि म मुख्यमंत्री ह दीन विनम्र श्रद्धांजलि

रायपुर, मुख्यमंत्री श्री भूपेश बघेल ह आज इहां छत्तीसगढ़ के स्वप्नदृष्ट्रा अऊ स्वतंत्रता संग्राम सेनानी स्वर्गीय डॉ. खूबचंद बघेल के पुण्यतिथि म आयोजित पुष्पांजलि कार्यक्रम म उंखर प्रतिमा म पुष्प अर्पित करके विनम्र श्रद्धांजलि दीन अऊ ऊंखर योगदान के स्मरण करिन।
हम आप ल बता देवन के स्वर्गीय डॉ. खूबचंद बघेल आजादी के आंदोलन ले जुड़के छत्तीसगढ़ म स्वतंत्रता के अलख जगात रहे हें अऊ राष्ट्रीय चेतना जगाये म महत्वपूर्ण काम करे हें। चिकित्सक होए के बाद घलव ओ मन कृषक नेता रहिन, जेमन खेती किसानी के उन्नति बर काम करिन। छत्तीसगढ़ म भारत छोड़ो आन्दोलन के दौरान ओ मन ल जेल यात्रा घलोक करना परे रहिस। विधायक अऊ राज्य सभा सांसद के रूप म घलोक उमन समाज के कई ठन क्षेत्र मन के उल्लेखनीय सेवा करे रहिन।
नगर निगम कोति ले आयोजित ए पुष्पांजलि कार्यक्रम म नगर निगम रायपुर के महापौर श्री प्रमोद दुबे, सभापति श्री प्रफुल्ल विश्वकर्मा, पूर्व महापौर डॉ. किरणमयी नायक संग बड़ संख्या म नागरिक उपस्थित रहिन। ए मौका म जम्मू कश्मीर के पुलवामा म केन्द्रीय रिजर्व पुलिस बल के शहीद जवान मन के प्रति मौन धारण करके श्रद्धांजलि घलोक दे गीस।

लउछरहा..