chhattisgarhi-samachar- कुम्हारी म शासकीय शाला के वार्षिकोत्सव कार्यक्रम म पहुंचिन मुख्यमंत्री, लइका मन ल दीन आशीर्वाद

रायपुर, मुख्यमंत्री श्री भूपेश बघेल आज शासकीय पूर्व माध्यमिक कन्या शाला अऊ प्राथमिक शाला कुम्हारी म आयोजित वार्षिकोत्सव कार्यक्रम म घलोक सम्मिलित होइन। उमन कहिन के ये शाला सौ बछर पूरा कर लेहे हे। ये बताथे के हमार पुरखा मन ह शिक्षा बर कतका समर्पण करे रहिन। उमन छत्तीसगढ़ के जइसे सपना देखे रहिन, हम पूरा समर्पण ले एला गढ़े के उदीम करबोन। मुख्यमंत्री ह कहिन के शाला के बेहतरी बर सबो प्रयास शासन कोति ले करे जाही।
श्री बघेल ह स्वच्छ भारत उपर चित्रकला स्पर्धा म पहिली स्थान अवइया छात्रा मेघा पटेला के सम्मान करिन। उमन सबो लइका मन ल बहुत अकन आशीर्वाद दीन अऊ उंखर उज्जवल भविष्य के शुभकामना दीन। ए दौरान कलेक्टर श्री अंकित आनंद अऊ अपर कलेक्टर श्री संजय अग्रवाल घलोक उपस्थित रहिन।

लउछरहा..