प्रधानमंत्री श्री मोदी के रायपुर एयरपोर्ट म मंत्री डॉ. शिवकुमार डहरिया ह करिस आत्मीय स्वागत

रायपुर, प्रधानमंत्री श्री नरेन्द्र मोदी के आज राजधानी रायपुर के स्‍वामी विवेकानंद एयरपोर्ट पहुंचे म छत्तीसगढ़ के नगरीय प्रशासन अऊ विकास व श्रम मंत्री डॉ. शिवकुमार डहरिया ह फुल भेंट करके आत्मीय स्वागत करिस।
हम आप ल बता देवन के प्रधानमंत्री श्री नरेन्द्र मोदी आज नई दिल्ली ले विशेष विमान से भिनसरहा राजधानी रायपुर के माना स्थित स्‍वामी विवेकानंद एयरपोर्ट पहुंचिन अऊ इहां ले वायु सेना के हेलीकॉप्टर ले प्रदेश के रायगढ़ जिला बर रवाना होइन। ए अवसर म पूर्व मुख्यमंत्री डॉ. रमन सिंह, पूर्व विधानसभा अध्यक्ष श्री धरमलाल कौशिक, पुलिस महानिदेशक श्री डी.एम. अवस्थी, अपर मुख्य सचिव श्री से.के. खेतान, रायपुर संभाग के आयुक्त श्री जी.आर. चुरेन्द्र, रायपुर रेंज के पुलिस महानिरीक्षक श्री आनंद छाबड़ा, कलेक्टर डॉ. बसवराजु एस., पुलिस अधीक्षक श्रीमती नीथू कमल संग आन जनप्रतिनिधियों ह घलोक प्रधानमंत्री श्री मोदी के एयरपोर्ट म फूल भेंट करके स्वागत करिन।

लउछरहा..