मंत्री लखमा ह पुनर्वास नीति के तहत प्रदान करिस सहायता राशि

गोडे़लगुड़ा क्रॉसफायरिंग के मृतका के पति ल मिलही नौकरी

रायपुर, आबकारी अउ उद्योग मंत्री कवासी लखमा ह आज सुकमा के जिला कार्यालय सभाकक्ष म गोड़ेलगुड़ा म पुलिस-नक्सली मुठभेड़ के बेरा म क्रॉस फायरिंग म मृत महिला मती कलमू देवे के पति भीमा ल नक्सल पुनर्वास नीति के तहत स्वीकृत सहायता राशि 10 लाख रूपिया के पहली किस्त पांच लाख 30 हजार 440 रूपिया के चेक प्रदाय करिन। लखमा ह ए अवसर म मृतका के पति भीमा ल कलेक्टर दर म नौकरी देहे के घोषणा घलोक करिन। उमन ए अवसर म क्रॉस फायरिंग म एक आन घायल महिला ल सहायता राशि के रूप म एक लाख के घलोक चेक प्रदाय करिन।
कवासी लखमा ह सुकमा दौरा म जिला कार्यालय म खनिज निधि मद ले संबंधित काम मन के समीक्षा घलोक करिन। ए अवसर म बीजापुर विधायक विक्रम मण्डावी, कलेक्टर चंदन कुमार, मुख्य कार्यपालन अधिकारी जिला पंचायत मती ऋचा प्रकाश चौधरी संग आन अधिकारी उपस्थित रहिन।

लउछरहा..