स्कूल शिक्षा मंत्री डॉ. सिंह ह छत्तीसगढ़ मदरसा बोर्ड कोति ले आयोजित परीक्षा के नतीजा घोषित करिन

रायपुर, छत्तीसगढ़ मदरसा बोर्ड कोति ले आयोजित हाईस्कूल, हायर सेकेण्डरी पत्राचार पाठ्यक्रम परीक्षा पहिली, दूसरी, तीसरी, चंउथी अऊ उर्दू अदीब, उर्दू माहिर, उर्दू मोअल्लिम दूसर साल परीक्षा के परिणाम स्कूल शिक्षा मंत्री डॉ. प्रेम साय सिंह ह आज इहां छत्तीसगढ़ मदरसा बोर्ड के कार्यालय म ऑनलाइन घोषित करिन। उमन परीक्षा म उत्तीर्ण होए परीक्षार्थी मन ल बधाई अउ शुभकामना दीन। परीक्षा परिणाम के अवलोकन परीक्षार्थी मन छत्तीसगढ़ मदरसा बोर्ड के कार्यालय के सूचना पटल अऊ छत्तीसगढ़ मदरसा बोर्ड के वेबसाईट www.cgmadarsaboard.com म घलोक कर सकत हें।




डॉ. प्रेमसाय सिंह ह ए अवसर म कहिन के छत्तीसगढ़ मदरसा बोर्ड मुस्लिम समाज ल शिक्षा के माध्यम ले मुख्य धारा म लाय के अच्छा काम करत हे। उमन कहिन के जऊन सफल पढ़ईया लईका मन ल दूसरी, तीसरी अऊ चंउथईया अवसर मिले हे, ओ मन ल अऊ जादा मेहनत करे के जरूरत हे। ए अवसर म मदरसा बोर्ड के सचिव डॉ. इम्तियाज अहमद अंसारी, सहायक संचालक श्री पी.पी. द्विवेदी संग बोर्ड के अधिकारी अउ कर्मचारी उपस्थित रहिन।




हाईस्कूल पत्राचार परीक्षा म 42.45 प्रतिशत, हायर सेकेण्डरी पत्राचार परीक्षा पाठ्यक्रम परीक्षा (कला संकाय) म 78.87 प्रतिशत, हायर सेकेण्डरी वाणिज्य संकाय म 60 प्रतिशत, हायर सेकेण्डरी विज्ञान संकाय म 33.34 प्रतिशत, उर्दू अदीब म शतप्रतिशत, उर्दू माहिर म 92.54 प्रतिशत, उर्दू मोअल्लिम दूसरी साल परीक्षा म 86.44 प्रतिशत परीक्षार्थी उत्तीर्ण होए हें।
परीक्षा राज्य के कई ठन जिला मन के 18 परीक्षा केन्द्र मन म आयोजित करे गए रहिस। हाईस्कूल पत्राचार परीक्षा पहिली अवसर म 32.46 प्रतिशत बालक, 60 प्रतिशत बालिका,, हायर सेकेण्डरी पत्राचार परीक्षा पाठ्यक्रम परीक्षा कला संकाय पहिली अवसर म 73.08 प्रतिशत बालक, 82.22 प्रतिशत बालिकाएं, वाणिज्य संकाय म शतप्रतिशत बालक, 50 प्रतिशत बालिकाएं, विज्ञान संकाय म 31.25 प्रतिशत बालक, 36.36 प्रतिशत बालिका मन उत्तीर्ण होए हें। इही प्रकार उर्दू अदीब परीक्षा म शतप्रतिशत बालक अऊ बालिका, उर्दू माहिर म 91.31 प्रतिशत बालक, 93.18 प्रतिशत बालिका मन अऊ उर्दू मोअल्लिम दूसर साल परीक्षा म 83.34 प्रतिशत बालक, 87.23 प्रतिशत बालिका मन उत्तीर्ण होये हें।



लउछरहा..