कृषि मंत्री रविन्द्र चौबे के बड़का ऐलान – 52 लाख भुगतान के होही जाॅच

राजधानी म पाछू बछर कृषि मेला के आयोजन होए रिहिसे। जेमा रोटरी क्लब आफ कास्मोपोलिटन ल 52 लाख के सहभागिता राशि के भुगतान करे रिहिसे। ये भुगतान के मामला विधानसभा म गरमा गे। सवाल उठिस के कृषि मेला म रोटरी क्लब के का रोल? आखिर कते नियम के तहत रोटरी क्लब ल सहभागी बनावत अतेक अकन भुगतान करे गे हे। विधानसभा म प्रश्‍नकाल के बेरा म सत्‍ता पक्ष के सदस्य दलेश्‍वर साहू ह ए मामला ल उठाइस अउ आरोप लगावत कहिस के एमा भारी अनियमितता होए हावय। कृषि मंत्री रविन्द्र चौबे जी कहिन के एग्रो बिल्ड एण्ड ट्रेड फेयर के आयोजन म राज्य शासन के 17 विभाग अउ 124 निजी संस्थान हॅ प्रदर्शन म भाग लेहे रहिन। ए ह कृषि विभाग अउ रोटरी क्लब के संघरा आयोजन रिहिसे। चौबे जी घलो मानिन के एमा राशि के जादा भुगतान होए हावय ए ह जाच के विषय हरे। अउ कहिन के हम एकर जांच कराबो।
धर्मेन्‍द्र निर्मल के सार समाचार

लउछरहा..