अमर सिंह ह RSS के सेवा भारती ल अपन 15 करोड़ के पुरखौती संपत्ति दान देवइया हे

दिल्‍ली ले मोनिका पाण्‍डेय, खबरिया मन ले पता चले हे के समाजवादी पाटी के बड़का नेता अमर सिंह ह आज अपन पुरखौती संपत्ति ल आरएसएस के सेवा भारती संस्थान ल दान म देवईया हें। अमर सिंह ह अपन 12 करोड़ रुपिया कीमत के तरवां गांव के बंगला अऊ 3 करोड़ कीमत के 10 बीघा खेत ल सेवा भारती संस्थान के नाम से लिखा पढ़ी कराहीं। अमर सिंह ह खुदे एखर पुस्टि करत बताये रहिन के बुधवार के दिन उन लालगंज तहसील जाके अपन संपत्ति सेवा भारती के नाम दाननामा के लिखा पढ़ी करवाहीं।
पता चले हे के राष्ट्रीय स्वयंसेवक संग के राष्ट्रीय संगठन मंत्री ऋषिपाल सिंह ददवाल घलोक ए बेरा म उहां रइहीं। सेवा भारती ये संपत्ति म ठाकुर हरिश्चंद्र सेवा केंद्र के स्थापना करइया हे। अमर के ये सम्‍पत्ति म तरंवा बाजार मेन रोड म करीबन दू बीघा जमीन म तीन मंजिला मकान के बड़का बंगला हे। जेमा बुलेटप्रूफ खिड़की के संग लिफ्ट घलोक लगे हे।

लउछरहा..