मुख्यमंत्री ह श्री दीपक विराट तिवारी अऊ श्री राकेश तिवारी ल संगीत नाटक अकादमी पुरस्कार मिले म दीन शुभकामना

रायपुर, मुख्यमंत्री श्री भूपेश बघेल ह छत्तीसगढ़ के रंगकर्मी श्री दीपक विराट तिवारी अऊ लोक कलाकार श्री राकेश तिवारी ल संगीत नाटक अकादमी पुरस्कार ले सम्मानित करे म अनंत बधाई अऊ शुभकामना देहे हें।
मुख्यमंत्री श्री बघेल ह कहिन के ये पूरा प्रदेश बर गौरव के बात हे, के माननीय राष्ट्रपति महोदय ह राज्य के कलाकार श्री दीपक तिवारी अऊ श्री राकेश तिवारी ल ए महत्वपूर्ण राष्ट्रीय पुरस्कार ले नवाजे हे। उंखर ये उपलब्धि राज्य के समृद्ध कला-संस्कृति ल प्रतिबिम्बित करथे। आशा हे, राष्ट्र पटल म छत्तीसगढ़ के ये पताका असनहे फहरात रइही। हम आप ल बता देवन के श्री दीपक तिवारी ह एक रंगकर्मी के रूप म कई नाटक मंचन करे हे। उमन नया थियेटर समूह के प्रसिद्ध नाटक ‘चरण दास चोर’ म एक प्रमुख कलाकार के रूप म अभिनय करे रहिन हें। अइसनहे श्री राकेश तिवारी ह लोक गायक अऊ लोक संगीतज्ञ के रूप म अपन वाणी के मधुरता ले अऊ लोकमंच के माध्यम ले राज्य ल लाभान्वित करे हे।

लउछरहा..