नगरीय प्रशासन मंत्री प्रगतिशील सतनामी समाज के नवनिर्वाचित सदस्य मन के शपथ ग्रहण म होइन सामिल

सबके सहभागिता ले होथे समाज म प्रगति : डॉ. डहरिया
देवदास स्मृति सभा भवन के करिस लोकार्पण

रायपुर, नगरीय प्रशासन अऊ श्रम मंत्री डॉ. शिवकुमार डहरिया आज इहां राजेन्द्र नगर स्थित सांस्कृति भवन म छत्तीसगढ़ प्रगतिशील सतनामी समाज के नवनिर्वाचित सदस्य मन के शपथ ग्रहण कार्यक्रम म सामिल होइन। ए मौका म डॉ. डहरिया ह स्वर्गीय देवदास स्मृति सभा भवन के लोकार्पण करिस। डॉ. डहरिया ह कहिन के सतनामी समाज म प्रतिभा मन के कमी नइ हे। उमन कहिन के समाज के प्रगति बर निष्ठा अऊ ईमानदरी ले काम करना चाही। समाज ल सामाजिक, आर्थिक, शैक्षणिक क्षेत्र म आगू बढ़ाय के दिशा म सरलग उदीम करना चाही। महिला मन ल घलोक समाजिक विकास बर आघू आये के जरूरत हे। डॉ. डहरिया ह नवनिर्वाचित सदस्य मन ल शपथ देवाइन अऊ ओ मन ल शुभकामना दीन। उमन सतनामी समाज के विकास बर राज्य सरकार के तरफ ले हर संभव मदद के भरोसा दीन।
कार्यक्रम के अध्यक्षता पूर्व राज्यसभा सांसद डॉ. भूषण लाल जांगड़े ह करिस। विशिष्ट अतिथि के रूप म माल खरौदा के पहिली विधायक श्री निर्मल सिन्हा, वरिष्ठ सामाजिक कार्यकर्ता श्री पी.आर. गहने सामिल होइन। कार्यक्रम म प्रगतिशील सतनामी समाज के प्रदेश अध्यक्ष श्री एस.एल. कोशले, श्री अलख चतुर्वेदी संग बड़ संख्या म समाज के मनखे उपस्थित रहिन।

लउछरहा..