अध्यापन म शिक्षक मन के प्रस्तुतिकरण आकर्षक होना चाही: स्कूल शिक्षा मंत्री

शासकीय उच्चतर माध्यमिक शाला फुण्डहर के नवा भवन के लोकार्पण

रायपुर, स्कूल शिक्षा मंत्री डॉ. प्रेमसाय सिंह ह आज इहां फुण्डहर म शासकीय उच्चतर माध्यमिक शाला के नवा भवन के लोकार्पण करिन। भवन के निर्माण विद्युतीकरण संग एक करोड़ 52 हजार रूपिया के लागत ले करे गए हे। कार्यक्रम के अध्यक्षता रायपुर ग्रामीण विधायक अउ पूर्व शिक्षा मंत्री सत्यनारायण शर्मा ह करिन।
डॉ. प्रेमसाय सिंह ह लोकार्पण समारोह ल संबोधित करत के सरकार के सोच हे के विद्यालय म पढ़इया लइका मन ल गुणवत्तापूर्ण शिक्षा मिलय। विद्यालय मन म शिक्षक के अध्यापन के प्रस्तुतिकरण आकर्षक होना चाही जऊन ल विद्यार्थी आसानी ले समझ सकंय। उमन कहिन के विद्यालय मन म पढ़ाई के संगें-संग खेल अऊ सांस्कृतिक गतिविधि मन ल घलोक जोरे जाना चाही। डॉ.प्रेमसाय सिंह ह कहिन के ए गतिविधि मन म घलोक प्रतिभा मन के कमी नइ हे। स्कूल शिक्षा मंत्री ह बताइस के विद्यालय तक पहुंच मार्ग निर्माण बर लोकनिर्माण विभाग के बजट म राशि के प्रावधान कर दे गए हे। उमन कहिन के अवइया समय म बॉन्ड्रीवाल के निर्माण होही, जेखर से विद्यालय परिसर के तीर के नारवा अऊ तलाब के पानी वर्षा ऋतु म नइ भरही। उमन कहिन के विद्यालय के जऊन आन जरूरत होही ओला घलव पूरा करे के प्रयास होही, एखर बर बजट म प्रस्ताव ल सामिल करे जाही। विद्यालय ले संबंधित समस्या मन ल धीर-धीरे दूर करे जाही।

लउछरहा..