छत्तीसगढ़ म कांग्रेस करे रिहिस माओवादी मन संग गठबंधन – जेटली

केन्द्रीय मंत्री अरूण जेटली ट्वीट करके कांगेस पार्टी के उपर ए आरोप लगाइस के छत्तीसगढ़ म कांग्रेस पार्टी हॅ माओवादी मन संग गठबंधन करे रिहिसे। जेटली के ए टृवीट ल लेके छत्तीसगढ़ के सियासी अंगना म घमासान मात गे हे। वोह लिखे हे हाल के छत्तीसगढ़ चुनाव म कांग्रेस माओवादी संगठन संग गठबंधन करे रिहिसे। राहुल गांधी हॅ जवाहर लाल नेहरू विश्वविद्याालय म ’कुटका कुटका’ गिरोह के संग खांध ले खांध मिला के खड़े रिहिसे। कोर्ट कचहरी म तको शहरी नक्सली मन ल बचाए म कांग्रेस सबले आगू रिहिसे। अवइया लोकसभा चुनाव म केन्द्रीय मंत्री जेटली के ए ट्वीट से छत्तीसगढ़ म सियासी घमासान मातना निश्चित हे।

छत्तीसगढ़ के विधानसभा चुनाव 2018 के दफे कांग्रेस अउ भाजपा दूनो पार्टी वाले मन माओवादी समस्या ल लेके एक दूसर उपर आरोपा प्रत्यारोप लगाए रिहिने। पाछू के विधानसभा चुनाव म कांग्रेस पार्टी ह माओवाद प्रभावित क्षेत्र बस्तर के 12 सीट मे ले 11 सीट जीते रिहिसे।
धर्मेन्‍द्र निर्मल के सार समाचार

लउछरहा..