मुख्यमंत्री श्री भूपेश बघेल ह दू पीड़ित मन के इलाज बर दीन 6 लाख रुपिया के सहायता

रायपुर, 22 सितंबर 2020। मुख्यमंत्री श्री भूपेश बघेल ह गंभीर रोग ले पीड़ित दू मनखे मन के इलाज बर अपन स्वेच्छानुदान मद ले 6 लाख रुपिया के आर्थिक सहायता राशि स्वीकृत करे हें। मुख्यमंत्री ह संबंधित जिला के कलेक्टर मन ल इलाज बर स्वीकृत ये राशि तुरंते संबंधित ल भुगतान करे के घलोक निर्देश देहे हें।

सामान्य प्रशासन विभाग ले मिले जानकारी के मुताबिक मुख्यमंत्री ह बिलासपुर शहर के टिकरापारा रोड दयालबंद निवासी श्री हृदेश केसरी के बीमार पिता श्री सुभाष चंद्र केसरी के इलाज बर 5 लाख रुपिया अऊ जांजगीर-चांपा जिला के अकलतरा तहसील के ग्राम अमरताल के रहइया श्रीमती आरती जांगड़े के बेटा आदित्य जांगड़े के इलाज बर  एक लाख रुपिया के आर्थिक सहायता राशि स्वीकृत करे हें।

लउछरहा..