केंद्रीय पूल म छत्तीसगढ़ ले चावल उपार्जन के अनुमति देवाए के गिलौली केन्द्रीय पूल बर छत्तीसगढ़ ले चावल उपार्जन के अनुमति देवय केन्द्र: श्री भूपेश बघेल
छत्तीसगढ़ म बायोफ्यूल के क्षेत्र म निवेश ल मिलही बढ़ावा
रायपुर, छत्तीसगढ़ के मुख्यमंत्री श्री भूपेश बघेल ह आज नई दिल्ली म केन्द्रीय कृषि अऊ किसान कल्याण मंत्री श्री नरेन्द्र सिंह तोमर अऊ केन्द्रीय खाद्य मंत्री श्री राम विलास पासवान ले मुलाकात करिन। ये बेरा म श्री बघेल ह राज्य के किसान मन के हित म सेन्ट्रल पूल म चावल उपार्जन के अनुमति दिए जाय के आग्रह करिन। उन्हें छत्तीसगढ़ म बायो एथेनॉल के विक्रय ल बढ़ावा देहे बर केंद्र ले सहयोग के बात कहे हें। मुलाकात के समय मुख्यमंत्री के संग राज्य के कृषि अऊ जल संसाधन मंत्री श्री रविन्द्र चौबे अऊ खाद्य मंत्री श्री अमरजीत भगत घलोक मौजूद रहिन। केन्द्रीय मंत्रि मन ह आग्रह म सकारात्मक पहल करे के आश्वासन देहे हें।
मुख्यमंत्री श्री भूपेश बघेल आज मंझनिया मंत्रिमण्डल के सहयोगी मन के संग नई दिल्ली बर रवाना होइन। उहां उमन श्री नरेन्द्र सिंह तोमर ले मुलाकात करके केन्द्र सरकार कोति ले परसाल के जइसे ये साल घलोक केन्द्रीय पूल बर छत्तीसगढ़ ले चावल के उपार्जन कराए के अनुरोध किरिन। मुख्यमंत्री अऊ मंत्री मन के दल संझा कुन केन्द्रीय कृषि अऊ किसान कल्याण मंत्री श्री नरेन्द्र सिंह तोमर ले घलोक मुलाकात करके राज्य के किसान मन के हित म सेन्ट्रल पूल म चावल खरीदी के आग्रह किरिन। मुख्यमंत्री के संग प्रदेश के कृषि अऊ जल संसाधन मंत्री श्री रविन्द्र चौबे, खाद्य अऊ नागरिक आपूर्ति अऊ उपभोक्ता संरक्षण मंत्री श्री अमरजीत भगतनवा दिल्लीगए हें
हम आप ल बता देवन के मुख्यमंत्री श्री बघेल छत्तीसगढ़ के किसान मन के हित म सेंट्रल पूल म 32 लाख मीटरिक टन चावल के खरीदी के संबंध म राष्ट्रपति महोदय ल अवगत कराहीं। केन्द्र सरकार कोति ले साल 2014 म निर्णय ले गए हे जेखर मुताबिक जऊन राज्य सरकार किसान मन ल समर्थन मूल्य म धान खरीदी म बोनस देही उंखर से सेन्ट्रल पूल म चावल नइ ले जाए। फेर एखर बाद घलव छत्तीसगढ़ म पहिली दू बछर म ये प्रावधान ल शिथिल करके सेन्ट्रल पूल म छत्तीसगढ़ ले चावल लेहे गीस। एला देखत छत्तीसगढ़ सरकार कोति ले साल 2019-20 म सेन्ट्रल पूल म प्रधानमंत्री ले प्रावधान ल शिथिल करके सेन्ट्रल पूल म छत्तीसगढ़ ले 32 लाख मीट्रिक टन चावल लेहे के आग्रह करे गए हे, काबर के ये साल धान के जादा आवक के संभावना हे। ये संबंध म प्रधानमंत्री अऊ केन्द्रीय खाद्य मंत्री ल पहिली चिट्ठी घलोक लिखे गए हे, फेर उहां ले असहमति के जवाब भेजे गए हे, जेमां लिखे हे कि 2500 रूपिया प्रति क्विंटल म धान खरीदी ले बाजार अव्यवस्थित हो जाही। मुख्यमंत्री श्री भूपेश बघेल ह कहिन के किसान मन के हित म छत्तीसगढ़ सरकार कोति ले ये साल घलोक किसान मन ले 2500 रूपिया प्रति क्विंटल म धान के खरीदी करे जाही। ये साल करीबन 85 लाख मीट्रिक टन धान खरीदी होए के अनुमान हे। मुख्यमंत्री ह कहिन कि साल 2018-19 म हमन किसान मन ले 2500 रूपिया प्रति क्विंटल म धान खरीद करके किसान मन ले करे वायदा पूरा करे रहेन। ये साल घलोक 2500 रूपिया प्रति क्विंटल म धान के खरीदी करबोन। उमन किसान मन के हित म केन्द्र सरकार ल प्रावधान ल शिथिल करत ये साल सेन्ट्रल पूल म छत्तीसगढ़ ले 32 लाख मीट्रिक टन चावल के उपार्जन करे के अनुमति मांगे हे।
