सुकमा, कलेक्टर श्री चन्दन कुमार ह आज जिला के सुकमा अऊ छिन्दगढ़ विकासखण्ड के कई ठन गांव मन म गौठान, स्कूल अऊ आंगनबाड़ी केन्द्र पहुंचके उहां के व्यवस्था मन अऊ काम-धाम के औचक जांच करिस। ये बेरा म जिला पंचायत के मुख्य कार्यपालन अधिकारी सुश्री ऋचा प्रकाश चौधरी घलोक मौजूद रहिस।
कलेक्टर सुकमा विकासखण्ड के ग्राम गीदम पहुंचिन अऊ उमन उहां आंगनबाड़ी केन्द्र के निरीक्षण करिस अऊ उहां लइका मन ल दीए जात पोषणाहार के बारे म जानकारी लीन उमन लइका मन ल अण्डा अऊ केला आंगनबाड़ी केन्द्र म पोषणाहार म अनिवार्य रूप ले देहे करे के निर्देश दीन। उमन गीदम म गोठान के निरीक्षण करिन अऊ उहां गाय मन के आए अऊ रूके के जानकारी लीन अऊ गोठान के नाडेप अऊ वर्मीबेड के जानकारी लीन।
अइसनहे ले कलेकटर ह छिन्दगढ़ विकासखण्ड के किकिरपाल, गुम्मा अऊ तालनार गांव मन ल दौरा करके उहां घलोक गोठान, स्कूल अऊ आंगनबाड़ी केन्द्र मन के जांच करके उहां के व्यवस्था अऊ काम-धाम ल देखिन। कलेक्टर ह स्कूल मन के निरीक्षण करत स्कूल मन म प्रवेशोत्सव के मौका म स्कूल मन म दर्ज होए लइका मन के जानकारी स्कूल के शिक्षक ले लीन। कलेक्टर ह ए गांव मन के आंगनबाड़ी मन म लइका मन ल दीए जात पोषणाहार के जायजा लीन। उमन गोठान मन के क्रियाशीलता के बारे म जानकारी लेत अधिकारी मन ल जरूरी दिशा निर्देश दीन।
