10 वीं अऊ 12 वीं बोर्ड परीक्षा के रिजल्‍ट निकलिस

दंतेवाड़ा जिला म 10 वीं के 77.60 प्रतिशत अऊ 12 वीं के 73.18 प्रतिशत परीक्षा परिणाम
दुनों परीक्षा परिणाम म बेटी मन ह मारिन बाजी

दंतेवाड़ा, छत्तीसगढ़ माध्यमिक शिक्षा मण्डल कोति ले घोषित हाईस्कूल बोर्ड परीक्षा अउ हायर सेकंडरी बोर्ड परीक्षा म जिला के सरलग 77.60 प्रतिशत अऊ 73.18 प्रतिशत छात्र-छात्रा मन ह सफलता हासिल करे हें। जिला म ए पईत घलोक दुनों बोर्ड परीक्षा म बेटि मन ह बाजी मारे हें। हाईस्कूल बोर्ड परीक्षा बर जिला के 2716 छात्र-छात्रा मन ह पंजीयन कराये रहिन, जेमां ले 2679 छात्र-छात्रा मन ह परीक्षा दीन अऊ कुल 2065 छात्र-छात्रा मन ह सफलता हासिल करिन। हाईस्कूल बोर्ड परीक्षा म 949 अभ्यर्थि मन ह पहिली,1076 छात्र-छात्रा मन ह दूसर अउ 40 छात्र-छात्रा मन ह तीसर श्रेणी म सफलता अर्जित करे हें। हाईस्कूल बोर्ड परीक्षा म 1069 छात्रा मन अउ 996 छात्र मन ह सफलता हासिल करे हें।




हायर सेकंडरी बोर्ड परीक्षा म जिला के 2024 छात्र-छात्रा मन ह पंजीकरण कराये रहिन, जेमां ले 2008 छात्र-छात्रा मन ह परीक्षा म हिस्सा लीन अऊ 1468 छात्र-छात्रा मन ह सफलता हासिल करिन। हायर सेकंडरी बोर्ड परीक्षा म 455 छात्र-छात्रा मन ह पहिली, 803 अभ्यर्थि मन ह दूसर अउ 210 छात्र-छात्रा मन ह तीसर श्रेणी म सफलता अर्जित करे हें। हायर सेकंडरी बोर्ड परीक्षा म 782 छात्रा मन अउ 686 छात्र मन ह सफलता हासिल करे गीस हें।
जिला म नीट,पीईटी-पीएटी जइसे प्रतियोगी परीक्षा मन के विशेष कोचिंग बर संचालित छूलो आसमान संस्था बालूद अउ कारली के लइका मन ह तो हाईस्कूल बोर्ड परीक्षा अऊ हायर सेकंडरी बोर्ड परीक्षा म शत-प्रतिशत सफलता अर्जित करके जिला के नाम रोशन करे हें। हाईस्कूल बोर्ड परीक्षा म तो छूलो आसमान संस्था कारली के सबो छात्रा मन ह पहिली श्रेणी म सफलता हासिल करके अपन श्रेष्ठता साबित करे हें।




हाईस्कूल बोर्ड परीक्षा म जिला के 10 टॉपर्स म गीदम के लालसा देवांगन ह 94.17%, कटेकल्याण के मनोरमा बुरका ह 93.67%, गीदम के मीनाक्षी मण्डल ह 93.50%, बालूद के आशीष नाग ह 93.50%, किरन्दुल के सुमन साहू ह 93.50%, किरन्दुल के नंदिनी सिन्हा ह 93.17%, बालूद के राकेश पाल ह 93%, गीदम के मानसी रजक ह 92%, कटेकल्याण के प्रभावती भारद्वाज ह 92%, कटेकल्याण के निकिता नागेश ह 91.83% अउ बालूद के गौरव साहू अउ मुकेश आतरा अउ किरन्दुल के सुजल सिन्हा ह 91.33% , किरन्दुल के अर्पिता विश्वास ह 91.17% अउर कटेकल्याण के डॉली ध्रुव ह 90.83% अंक हासिल करे हे। उन्‍हें हायर सेकंडरी बोर्ड परीक्षा म जिला के 10 टॉपर्स म गीदम के धरना बुरड़ ह 89.80%, बचेली के ग्रीशिका ह 89%, गीदम के चांदनी साहू ह 87.40%, कटेकल्याण के पियूषा बेक ह 87.20%, गीदम के प्रीती सिंह ह 85.80%, गीदम के प्रियंका ठाकुर ह 85.80%, पोन्दुम के उपेन्द्र सिंह ह 85.60%, गीदम के भावना साहू ह 85.20%, पोन्दुम के सुधीर रजक ह 84.40%, किरन्दुल के रेणु मेश्राम ह 84.40%, पोन्दुम के करण साहू अऊ किरन्दुल के नंदिनी सोनकर ह 84.20% अउ पोन्दुम के रोशन भवानी ह 84% प्राप्तांक हासिल करे हे।
कलेक्टर श्री टोपेश्वर वर्मा ह हाईस्कूल बोर्ड अउ हायर सेकंडरी बोर्ड परीक्षा म जिला के छात्र-छात्रा मन के उत्कृष्ट प्रदर्शन बर सबो सफल छात्र-छात्रा मन ल शुभकामना देवत सबो लइका मन ल बेहतर भविष्य निर्माण बर उच्‍च शिक्षा हासिल करे के समझाईश देहे हें।


लउछरहा..