धमतरी म दारू बंदी : नगरीय निकाय अउ त्रि-स्तरीय पंचायत उप निर्वाचन 2018

धमतरी, 22 जून 2018। नगरीय निकाय अऊ त्रि-स्तरीय पंचायत उप निर्वाचन 2018 के तहत् सरकार कोति ले निर्वाचन क्षेत्र मन म शुष्क दिवस घोषित करे गए हे। हम आप ल बता देवन के पंचायत क्षेत्र मन म मतदान अउ मतगणना 24 जून के दिन अऊ नगरीय निकाय क्षेत्र मन म मतदान 24 जून अउ मतगणना 27 जून के दिन होना हे। प्रभारी कलेक्टर अउ जिला दण्डाधिकारी श्री रितेश अग्रवाल ह छत्तीसगढ़ आबकारी अधिनियम 1915 के धारा 24 के उप-धारा (1) के तहत् मिले अधिकार के परयोग करत ओ दिन मन ल शुष्क दिवस घोषित करे हें। एखर तहत् जिला के नगरपालिक निगम क्षेत्र के सरदार वल्लभभाई पटेल वार्ड क्र 05 अऊ जनपद पंचायत कुरूद के ग्राम पंचायत चर्रा, चरमुड़िया अऊ नवागांव म मतदान अउ मतगणना संपन्न होही।
कोन-कोन दारू दुकान बंद रहिही


(adsbygoogle = window.adsbygoogle || []).push({});

धमतरी नगरपालिक निगम के सरदार वल्लभ भाई पटेल वार्ड नंबर 05 के तीर तखार के क्षेत्र म स्थित देशी मदिरा दुकान बठेना वार्ड, देशी मदिरा दुकान नवागांव, देशी/विदेशी मदिरा दुकान सुन्दरगंज अऊ ग्राम पंचायत चर्रा, चरमुड़िया, नवागांव के समीपवर्ती क्षेत्र म स्थित देशी/विदेशी मदिरा दुकान कुरूद ल 22 जून के संझा पांच बजे ले 24 जून तक अऊ देशी मदिरा दुकान बठेनावार्ड, देशी मदिरा दुकान नवागांव, देशी/विदेशी मदिरा दुकान सुन्दरगंज म 27 जून, मतगणना के दिन शुष्क दिवस घोषित करत बंद रखे के आदेश हे। ए अवधि म प्रतिबंधित क्षेत्र म देशी/विदेशी मदिरा के क्रय, विक्रय अउ परिवहन उपर पूर्णतः प्रतिबंध लगाए गए हे।


(adsbygoogle = window.adsbygoogle || []).push({});

लउछरहा..