धमेन्द्र निर्मल के सार समाचार, कलेक्टर श्री रजत बंसल के निर्देश पीछू नगरपालिक निगम डाहर ले शहर के प्रमुख तालाब मकेश्वर, रामसागर, शीतला पारा अउ महिमा सागर तालाब ल नहर पानी ले पर्याप्त मात्रा म भरे के कार्रवाई करे गइस। आयुक्त, नगरपालिक निगम हँ बताइन कि पानी जादा बेरा तक तरिया म नइ रहे पाइस, फेर उक्त क्षेत्र मन म तइहा के बछर बरोबर जलस्तर बने हुए हे। जउन बोर, बोरिंग जेठ बैसाब के महिना म सूखा जावत रिहिसे, वो मन आज तरिया में पानी भरे ले चले लगिन। कलेक्टर श्री बंसल हँ तरिया मन म पानी भरे बर वाटर फिल्टर प्लांट के ओवर फ्लो पानी ल सोज्झे सोझ तरिया म जोडे की योजना तियार करे के निर्देश दिए हे, जेकर ले तरिया मन में पानी हर हमेसा उपलब्ध रह सकही। ये बछर तरिया मन में पानी भरे ले पेयजल के समस्या नइ हे अउ जल स्तर के बाढ़े ले पेयजल संकट के समस्या ह तीरिया गे हवय। तरिया मन म जल भराव ले पानी के समस्या ले छुटकारा पाए म अब्बड़ हद तक सफल अउ काम के सिद्व होवत हे।
समाचार glibs.in ले साभार
चटकारा
भँगहा:-पहिली के अड़हा छाप मनखे मन अतका गुनी बिग्यानी रिहिन हे कि पानी के प्रबंध बर तरिया कुआँ बावली कोड़वावत रिहिन हे।
गँजहा:-हौ अउ अब के पढ़े लिखे अबूझ मन ओमा कचरा फेंक के ओला पाटत हे। इहीे ल कहिथे विनासकाले विपरीत बुद्वि।
