मुख्यमंत्री श्री बघेल ह भुइयां म बइठके ‘धुसका-पताल चटनी’ के आनंद लीन

रायपुर, मुख्यमंत्री श्री भूपेश बघेल ह आज अपन बलरामपुर जिला के प्रवास के बेरा म सामरी विधायक श्री चिन्तामणि महाराज के घर म जमीन म बइठके सादगी के संग सरई के पत्तल म छत्तीसगढ़ी व्यंजन धुसका अऊ पताल के चटनी के आनंद लीन। मुख्यमंत्री ल जमीन म बइठके जेवन करत देख सबो मनखे मन ह उंखर छत्तीसगढ़ी संस्कृति के प्रति लगाव अऊ सरलता ल सहराइन।

मुख्यमंत्री आज बलरामपुर जिला के प्रवास के समय सामरी विधानसभा क्षेत्र के श्रीकोट पहुंचे रहिन। उहां आयोजित कार्यक्रम के बाद सामरी के विधायक श्री चिन्तामणि महाराज के घर आइन। स्वास्थ्य मंत्री श्री टी.एस. सिंहदेव, सरगुजा विकास प्राधिकरण के अध्यक्ष श्री खेलसाय सिंह घलोक ऊंखर संग रहिन। घर पहुंचे म श्री चिन्तामणि महाराज ह मुख्यमंत्री ले भोजन ग्रहण करे के आग्रह करिन। उमन बताइन कि भोजन के संग छत्तीसगढ़ी व्यंजन धुसका घलोक विशेष रूप ले बनाय गए हे। श्री चिन्तामणि ह भोजन म धुसका के संग पताल चटनी, पूड़ी, पत्ता गोभी के साग भाजी परोसिन। मुख्यमंत्री श्री बघेल ह बड़ सादगी अऊ सरलता के संग भुइयां म बइठके सरई पत्तल म परोसे गए भोजन ल चाव ले ग्रहण करिन।

लउछरहा..