फिक्की कोति ले हितधारक परामर्श के आयोजन

रायपुर, फिक्की के सहयोग ले कोयला मंत्रालय कोति ले आयोजित हितधारक मन के परामर्श बैठक आयोजित करे गीस। स्टेकहोल्डर कंस्लटेशन मीट म केंद्रीय कोयला सचिव सुमंत चौधरी ह कहिन हे कि केंद्र सरकार ह कोयला खदान मन के जल्दी परिचालन ल सुनिश्चित करे बर नीतिगत फैसला लेहे हे। संगेच कोयला ब्लॉक आवंटि मन ल घलोक खदान मन ल शुरू करे बर जरूरी कदम उठाए बर परही। उमन कहिन कि कोयला मंत्रालय ह कोयला खदान मन के लउहे परिचालन ल सुनिश्चित करे बर नीतिगत निर्णय लेहे हे। जेमां संयंत्र के उपयोग बर खुले बाजार म 25 फीसदी कोयला के बिक्री के अनुमति देना, दक्षता मापदंड म छूट देना अऊ ग्रेस अवधि के प्रावधान करना घलोक सामिल हे।

कोयला सचिव ह कहिन कि कोयला मंत्रालय कई ठन केंद्रीय अऊ राज्य एजेंसी मन ले मंजूरी के जल्‍दी अनुमोदन बर एकल खिड़की योजना विकसित करे म घलोक काम करत हे। कोयला मंत्रालय ह 27 कोयला खदान मन के नीलामी अऊ 15 कोयला खदान मन के आवंटन के प्रक्रिया शुरू कर दिए हे। ये प्रक्रिया ये साल नवंबर तक पूरा होए के संभावना हे। चौधरी जी ह आज इहां, ये समें म राज्य सरकार मन ले अनुरोध करिन के वो खनन पट्टा देहे म सरलीकरण के संभावना के पता लगावंय अऊ सुनिश्चित करे ल घलोक कहिन। कोयला सचिव ह ये घलोक कहिन कि सरकारी, सार्वजनिक क्षेत्र के कंपनी मन अऊ निजी क्षेत्र के सबो कंपनी मन ल सामूहिक रूप ले कोयला ब्लॉक मन के परिचालन के समस्या ल हल करना होही। चौधरी जी ह आगू कहिन कि ये महसूस करना जरूरी हे कि ये देश म भरपूर मात्रा म कोयला होए के बाद घलव हम कोयला के आपूर्ति म कमी जारी रखत हन। ये निश्चित रूप ले अच्छा स्थिति नइ हे। हम सबो ल मिलके एला सही करे के जरूरत हे।

सरकार के संगें-संग कोयला ब्लॉक आवंटि मन ल घलोक खदान शुरू करे अऊ कोयला उत्पादन बढ़ाय बर कदम उठाए बर परही। ये बेरा म कोयला मंत्रालय के संयुक्त सचिव आशीष उपाध्याय ह इज आफ डूइंग बिजनेस, ऑनलाइन इलेक्ट्रॉनिक नीलामी प्रक्रिया अऊ आवंटन बर उपलब्‍ध ब्लॉक मन के विवरण ले संबंधित जेहे गए नीतिगत फैसला मन के जानकारी दीन।

फिक्की छत्तीसगढ़ प्रदेश के चेयरमैन श्री प्रदीप टंडन ह कहिन कि छत्तीसगढ़ म करीबन 7000 मेगा वाट के पावर प्लांट कोल के अभाव म बंद हे । ए प्राइवेट पावर प्लांट मन ल गुजरात, महाराष्ट्र अऊ राजस्थान के पब्लिक सेक्टर कम्पनी ल अलॉटेड कोल ब्लॉक्स जऊन पॉल्मा रायगढ़ अऊ सरगुज़ा म हे उहाँ ले बिजली बनाए बर कोइला देना चाही। अइसन करे ले पब्लिक सेक्टर कम्पनी मन के परिवहन म खरचा म होवइया हज़ारों क्रोर रुपया बांचही अऊ छत्तीसगढ़ के पावर प्लांट मन कम कीमत म सस्ता बिजली दे सकही। अइसन करे ले छत्तीसगढ़ के अर्थव्‍यवस्‍था फेर जिंदा हो जाही अऊ पी एस यू कम्पनी मन ल मन चाहे स्थान म बिजली मिल सकही। उमन फ़्लाई ऐश डिस्पोज़ल ल लेके घलोक कोल सेक्रेटेरी ले एस.ई.सी.एल. कोति ले बेकार पड़े खदान मन ल बैक फ़िलिंग बर उपलब्‍ध करे के गुज़ारिश करिन। छत्तीसगढ़ शासन के प्रिंसिपल सेक्रेट्री उद्योग वाणिज्य अऊ परिवहन श्री मनोज कुमार पिंगुआ जी ह अपन वक्तव्य म डिमांड अऊ सप्लाई के अंतर ल निरधारित करके योजना बनाए के सलाह दीन। श्री आशीष उपाध्याय आईएएस संयुक्त सचिव कोल मिनिस्ट्री गवर्नमेंट ऑफ इंडिया ह अपन विचार म इज ऑफ डूइंग बिजनेस ऑनलाइन इलेक्ट्रॉनिक ऑक्शन प्रोसेस अऊ एलोकेशन बर उपलब्‍ध ब्लॉक के विवेचना करिन।

लउछरहा..