मुख्यमंत्री ह दिव्यांग शशि कुमारी उइके के घर के मरम्मत कराए के दीन निर्देश

रायपुर, मुख्यमंत्री श्री भूपेश बघेल ह आज अपन निवास कार्यालय म आयोजित जनचौपाल म दिव्यांग शशि कुमारी उइके के मकान म छत ढ़लाई कराए के निर्देश कलेक्टर रायपुर ल दीन। रायपुर जिला के ग्राम कठीया निवासी दिव्यांग शशी कुमार उइके ह मुख्यमंत्री ल अपन मोबाइल फोन म जर्जर मकान के फोटो देखाके ओ म ढ़लाई कराए के आग्रह करिस। मुख्यमंत्री ह रायपुर कलेक्टर ल दिव्यांग सुश्री उइके के आवेदन देके ऊंखर मकान म छत ढ़लाई कराए के निर्देश दीन। दिव्यांग सुश्री उइके ह मुख्यमंत्री ल बताइस कि ओखर स्वर्गीय पिता श्री दुबराज सिंह के नाम म शासन कोति ले इंदिरा आवास योजना के तहत तीन कमरा के पक्का मकान मिले हे फेर ओ मकान म लेंटर अभी तक नइ होय हे। आज ले 9 साल पहिली पिता के मृत्यु हो गे हे अऊ मकान अभी तक जर्जर स्थिति म खड़ा होय हे। बरसात के दिन म दीवार के इंटा धुरे ले खण्डहर जइसे हो गए हे। मुख्यमंत्री ह दिव्यांग उइके ले बड़ आत्मीयता ले बातचीत करिन अऊ छत ढ़लाई कराए के निर्देश कलेक्टर ल दीन।