दृढ़ इच्छा शक्ति ले सबो चुनौती मन के सामना करे जा सकत हे: श्री केदार कश्यप

रायपुर, 19 अप्रैल 2018। स्कूल शिक्षा अउ आदिम जाति अउ अनुसूचित जाति विकास मंत्री श्री केदार कश्यप ले आज संझा इहां ऊंखर निवास कार्यालय म ‘हमन 36’ बर चुने गए लइका मन ह मुलाकात करिन। ए लइका मन ल आईआईटी अउ मेडिकल प्रवेश परीक्षा के तैयारी कोटा बेस्ड नीजि कोचिंग संस्था से कराये जात हे। श्री कश्यप ह मुलाकात के समय लइका मन ले कहिन कि अपन प्रतिभा ल निखारे बर आप मन ल बहुत ही अच्छा अवसर मिले हे। मोर शुभकामना आप मन के संग हे कि आप मन सबो जेईई एडवांस अऊ नीट के परीक्षा म सफल होवव। अपन सपना ल साकार करत देश अऊ समाज म अपन नाम रौशन करव। सकारात्मक प्रयास अउ दृढ़ इच्छा शक्ति ले जीवन म अवइया कोनो भी चुनौती के सामना करे जा सकत हे। श्री कश्यप ह मुलाकात बर आए सबो लइका मन ल थर्मस वितरित करिन।

(adsbygoogle = window.adsbygoogle || []).push({});

लउछरहा..