खाद्य मंत्री श्री भगत ह करिन धान बिसइ ठीहा के उदुपहा जांच

  • रीवां खरीदी केन्द्र म अव्यवस्था म समिति प्रबंधक संग संबंधित मन के खिलाफ कार्रवाई के दीन हुकुम
  • बरसा के सेती 2 अऊ 3 जनवरी के धान नइ बेंच पवइया किसान मन ल फेर जारी होही टोकन

रायपुर, खाद्य मंत्री श्री अमरजीत भगत ह आज मंदिर हसौद, उमरिया, रीवां अऊ आरंग के धान बिसइ ठीहा के उदुपहा जांच करिन। श्री भगत ह रीवां उपार्जन केन्द्र म जांच के समय अव्यवस्था पाए जाय म उहां के समिति प्रबंधक संग संबंधित मन के खिलाफ कार्रवाई करे हुकुम दिए हें। श्री भगत ह कहिन कि ओ मन धान बिसइ ठीहा मन के सरलग उदुपहा जांच करहीं अऊ अव्यवस्था अऊ कोनो प्रकार के शिकायत मिले म कार्रवाई करहीं।

श्री भगत ह कहिन कि बरसा के सेती जऊन किसान 2 अऊ 3 जनवरी के धान नइ बेच पाए हें ओ मन ल फेर टोकन जारी करे के हुकुम अधिकारी मन ल देहे गए हे। उमन कहिन कि किसान मन ल कोनो प्रकार के परेशानी झन होवय। प्रदेश म खरीफ विपणन साल 2019-20 म किसान मन ले अब तक 32.63 लाख मेट्रिक टन धान के उपार्जन करे जा चुके हे।

लउछरहा..