राजधानी के बाद अब सबो जिला मुख्यालय मन म गढ़ कलेवा : मुख्यमंत्री ह दीन निर्देश

रायपुर, मुख्यमंत्री श्री भूपेश बघेल ह आज #जन_चौपाल म राजधानी रायपुर के तर्ज म छत्तीसगढ़ के सबो जिला मुख्यालय मन म #गढ़_कलेवा खोले के निर्देश दिए हेंं। सबो जिला मुख्यालय मन म #गढ़_कलेवा खोले बर मुख्य सचिव ल जरूरी कार्रवाई करे ल कहेे गए हे। रायपुर के महंत घासीदास संग्रहालय परिसर म छत्तीसगढ़ के पारम्परिक व्यंजन बर प्रसिद्ध #गढ़_कलेवा के संचालन करेे जात हे। जेमां स्व सहायता समूह मन के करीबन सौ महिला मन काम करत हेंं। ये केन्द्र म रोजेच बड़ संख्या म राजधानी संग प्रदेश के कई ठन जगा मन ले अऊ राज्य के बाहिर ले अवइया मनखे मन पारम्परिक छत्तीसगढ़ी व्यंजन के लाभ उठावत हेंं। राज्य के सबो जिला मुख्यालय मन म #गढ़_कलेवा खुलेे ले मनखे मन ल छत्तीसगढ़ी व्यंजन के स्वाद मिल पाही अउ एकरे संग हजारों स्थानीय महिला मन ल स्व सहायता समूह मन के माध्यम ले रोजगार घलोक मिलही।

जन चौपाल कार्यक्रम म छत्तीसगढ़ के सबो जिला मुख्यालय मन म गढ़ कलेवा खोले के संबंध म मुख्यमंत्री ल छत्तीसगढ़ नागरिक संघर्ष समिति रायपुर के श्री विश्वजीत मित्रा ह सुझाव पत्र प्रस्तुत करे हे। जेमां सबो जिला मुख्यालय मन के जिलाधीश कार्यालय परिसर मन म, जिला न्यायालय परिसर मन म, रेलवे स्टेशन मन म अऊ स्‍वामी विवेकानन्द विमानतल म #गढ़_कलेवा केन्द्र खोले के सुझाव देहे गए हे। ए जगा मन म गढ़ कलेवा खुलेे ले राज्य के सबो जिला मन के नागरिक मन के संगें-संग आन राज्य मन के मनखे मन ल घलोक छत्तीसगढ़ के पारम्परिक व्यंजन के स्वाद चिखे के मौका मिलही।

लउछरहा..