गांधी विचार पदयात्रा : कंडेल ले 55 किलोमीटर चलके आज सेजबहार पहुंचिस

  • पदयात्रा म उमडि़स जनसैलाब, गांव वाले मन ह करिन आत्मीय स्वागत
  • सत्य, अहिंसा अऊ करूणा के रद्दा म चलके देश के विकास म बनव सहभागी: श्री मोहन मरकाम

रायपुर, राष्ट्रपिता महात्मा गांधी के 150वां जयंती के अवसर म कण्डेल, धमतरी जिला ले चालू गांधी विचार यात्रा आज छठवां दिन 55 किलोमीटर के पदयात्रा पूरा करके रायपुर जिला के सेजबहार पहुंचिस। पदयात्रा के बेरा म मनखे जुड़ते गीस अऊ कारवां बाढ़त गीस। पदयात्रा म गांधी विचारधारा के अनुयायी, स्थानीय जनप्रतिनिधि अऊ अड़बड़ जनसमूह सम्मिलित होइन। ये दौरान गांव वाले मन ह उत्साह के संग पदयात्री मन के आत्मीय स्वागत करिन।

हम इहां बता देवन के महात्मा गांधी जी के विचार ल जन-जन तक पहुंचाए बर गांधी विचार पदयात्रा के आयोजन करे गए हे। पदयात्रा गांधी जी के सत्य, अहिंसा, स्वावलंबन, करूणा के विचार मन उपर आधारित हे। एकर समापन 10 अकटूबर के दिन गांधी मैदान रायपुर म होही।

पदयात्रा म आज सेजबहार म आयोजित सभा ल संबोधित करत श्री मोहन मरकाम ह कहिन कि हमर सरकार राष्ट्रपिता महात्मा गांधी के विचारधारा म चलत हे अऊ गांधी जी के विचारधारा जन-जन ल जोड़े के काम करत हे, तोड़े के नहीं। श्री मरकाम ह कहिन कि गांधी जी के विचार हे कि भारत के आत्मा गांव मन म बसथे, गांव विकसित होही त प्रदेश अऊ देश के विकास होही। इही तर्ज म मुख्यमंत्री श्री भूपेश बघेल के नेतृत्व म राज्य शासन नरवा, गरूवा, घुरवा अऊ बाड़ी योजना के संग गांव मन ल मजबूत अऊ समृद्ध करे के दिशा म काम करत हे। उमन कहिन कि न केवल भारत म भलुक पूरा विश्व म गांधी जी के विचारधारा ल आत्मसात् करके सत्य, प्रेम अऊ अहिंसा के मार्ग म चलके मानवता के अलख जगावत हे।

सभा ल वरिष्ठ विधायक श्री सत्यनारायण शर्मा ह सम्बोधित करिस। कार्यक्रम म पूर्व विधायक श्री भोलाराम साहू, रायपुर जिला पंचायत सदस्य श्रीमति संतोषी बंजारे, मुख्यमंत्री के सलाहकार सर्वश्री विनोद वर्मा, रूचिर गर्ग, श्री धर्मेन्द्र यादव, श्री गिरिश देवांगन, श्री पंकज शर्मा, श्री उत्तम कोसले, श्री परमानंद बारले, श्री टिकेन्द्र बघेल, सरपंच श्रीमती अनिता साहू, श्री संदीप यदु, श्री प्रकाश बंदे, श्री मोहन लालवानी, श्री पप्पू राजेन्द्र बंजारे, श्रीमती ज्योति मार्कण्डेय, श्री राकेश टंडन, श्री आशाराम साहू, श्री जयंत यादव श्री अरूण व्यास, श्री देवव्रत कुर्रे, श्री कोमल जांगड़े संग अड़बड़ झन म जनप्रतिनिधि, विद्वजन अऊ ग्रामीण उपस्थित रहिन।

लउछरहा..