रायपुर, मुख्यमंत्री श्री भूपेश बघेल ले आज इहां ऊंखर विधानसभा स्थित कार्यालय कक्ष म बालोद जिला के डौंडी विकासखंड के ग्राम पटेली ले आए गांव वाले मन के प्रतिनिधि मंडल ह मुलाकात करिन । महिला अउ बाल विकास मंत्री श्रीमती अनिला भेंडिया घलोक ये बेरा म उपस्थित रहिन। उमन ग्राम पटेली म जिला सहकारी बैंक के शाखा चालू करे के मुख्यमंत्री ले आग्रह करिन। उमन मुख्यमंत्री ल बताइन कि ये गांव ले करीबन 1000 खातादारी किसान हे । कहूँ इहां बैंक के शाखा खुलत हे, त ये शाखा ले एक साल म करीबन 500 करोड़ रुपए के व्यवसाय संभावित हे। प्रतिनिधिमंडल ह ग्राम पटेली के नजदीक माउलीपानी स्थित अमृत कुंड स्थल ल पर्यटन स्थल घोषित करे, क्षेत्र म पुल- पुलिया के निर्माण करे अऊ एक मंगल भवन के स्वीकृति करे के आग्रह मुख्यमंत्री ले करिन। प्रतिनिधिमंडल म डौंडी जनपद सदस्य श्री पुनीतराम सेन, पटेली के सरपंच श्री बाबूलाल सिहारे संग सर्वश्री परमेश्वर रावटे, मनीराम झारे, गोविंद कौमार्य, रामसाय रावटे अऊ द्वारपाल यादव घलोक सामिल रहिन।
