कृषि विभाग के स्टॉल म कृषक कल्याण संबंधी कई ठन शासकीय योजना मन के मिलीस जानकारी
रायपुर, राज्योत्सव म नरवा, गरूवा, घुरवा अऊ बाड़ी के थीम ल सबो मन ह सहराईन। राज्य के ग्रामीण अर्थव्यवस्था ल मजबूत बनाए बर राज्य सरकार कोति ले ये योजना के क्रियान्वयन ल सर्वोच्च प्राथमिकता दीए गए हे। राज्योत्सव म सुराजी गांव योजना के थीम के जानकारी आम मनखे मन ल देहे बर कृषि विभाग कोति ले विशेष स्टॉल लगाए गए हे।
राज्योत्सव म कृषि विभाग के स्टॉल म राज्य के महत्वाकांक्षी योजना नरवा, गरूवा, घुरवा, बारी संग आन कई ठन योजना मन के प्रदर्शन करे गए हे। कृषि विभाग के स्टॉल म प्रदेश म कृषि के क्षेत्र म होवत नवाचारी काम मन अऊ कृषक कल्याण संबंधी कई ठन शासकीय योजना मन के जानकारी घलोक प्रदान करे जात रहिस। कृषि मंत्री श्री रविन्द्र चौबे ह कृषि विभाग के प्रदर्शनी ल पहिली पुरस्कार प्राप्त होए म कृषि विभाग के जम्मो अधिकारी-कर्मचारी मन ल बधाई दीए हें।
