नगरीय प्रशासन मंत्री ह करीबन 18 करोड़ रूपिया के गौरवपथ के करिन भूमिपूजन

नवा छत्तीसगढ़ गढ़े सामाजिक समरसता के संग काम करत हे छत्तीसगढ़ सरकार: डॉ. डहरिया

रायपुर, नगरीय प्रशासन अऊ श्रम मंत्री डॉ. शिवकुमार डहरिया ह आज आरंग नगर म आयोजित भूमिपूजन कार्यक्रम म सामिल होइन। उमन ए मौका म करीबन 18 करोड़ रूपिया के विकास कार्य मन के भूमिपूजन करिन। एमां बैहार चौक ले खल्लारी माता चौक तक गौरव रस्ता निर्माण बर 17 करोड़ 59 लाख रूपिया अऊ शासकीय कन्या उच्चतर माध्यमिक विद्यालय म प्रयोगशाला भवन निर्माण बर 15 लाख रूपिया सामिल हे।

डॉ. डहरिया ह भूमिपूजन समारोह ल सम्बोधित करत कहिन कि राज्य सरकार सामाजिक नवा छत्तीसगढ़ गढ़े समरसता के संग प्रदेश के विकास म सरलग काम करत हे। मुख्यमंत्री श्री भूपेश बघेल के नेतृत्व म सबो समाज अऊ वर्ग मन के भावना ल ध्यान म रखत हरेली, तीजा अऊ माता कर्मा जयंती के दिन अवकाश घोषित करे गए हे। एखर से प्रदेश के मनखे मन म प्रसन्नता हे। सरकार मनखे मन के भावना के मुताबिक ही छत्तीसगढ़ के संस्कृति अऊ परम्परा ल सहेजे के प्रयास करत हे। उमन कहिन कि खुद, कुटुंब, गांव, समाज, प्रदेश अऊ देश के विकास बर आगू बढ़के सहभागी बने के जरूरत हे। एखर बर श्री भूपेश बघेल के सरकार ह अपन दूर दृष्टि सोच के परिचायक देवत किसान समृद्ध होही त गांव अऊ प्रदेश समृद्ध होही। ते खातिर उमन सरकार बनतेच सबले पहिली किसान मन के कर्जा माफ करे गीस। ऊंखर उत्पाद धान के 2500 रूपिया समर्थन मूल्य देहे के घोषणा करिस। एकर परिणाम ये होइस कि अभी हाल म देश म मंदी के स्थिति होए के बावजूद छत्तीसगढ़ म एकर कोनो प्रभाव नइ हे।

कार्यक्रम म नगर पालिका परिषद के अध्यक्ष श्रीमती करूणा तिवारी, पार्षदगण संग सर्वश्री मंगलमूर्ति अग्रवाल, देवनाथ साहू, रेखराज पात्रे, चंद्रशेखर साहू, मनीष चंद्राकर, भरत लोधी, गणेश बांधे, अब्दूल गौरी, गौरव चंद्राकर, अनिल गुप्ता संग बड़ संख्या म नगरवासी उपस्थित रहिन।
नंबर 2860

लउछरहा..