गोस्वामी तुलसीदास ह करोड़ों मनखे मन ल देखाइस कल्याण के रद्दा: श्री भूपेश बघेल

रायपुर, मुख्यमंत्री श्री भूपेश बघेल ह कहिन कि गोस्वामी तुलसीदास जी ह रामचरित मानस के माध्यम ले करोड़ों मनखे मन ल कल्याण के रद्दा देखाइस। मुख्यमंत्री आज दुर्ग जिला के ग्राम महुदा (विकासखंड-पाटन) म मानस संघ कोति ले आयोजित जिला स्तरीय तुलसीदास जयंती समारोह ल सम्बोधित करत रहिन। उमन गोस्वामी तुलसीदास जी के पुण्य स्मरण करत कहिन कि जब मैं ह अमृतलाल नागर जी के पुस्तक मानस के राजहंस पढ़ेंव त मोला अभास होइस कि कतेक तकलीफ के बीच गोस्वामी तुलसीदास ह राम चरित मानस के रचना करिस। ये हमर बर गोस्वामी जी के बड़का देन हे। जतका हम तुलसीदास जी के जीवन ल गहराई ले समझबोन, हम अपन बर घलोक अऊ लोक कल्याण बर घलोक मार्ग प्रशस्त करबोन।

लउछरहा..