तमनार म पूरा (बाढ़) म बोहाए ओडिशा-छत्तीसगढ़ ल जोड़इया सड़क ल जिन्दल पावर बनाइस, सीएसआर के सुग्‍घर उदाहरन

गांव वाले मन म खुशी के लहर, हर हमेसा दायित्व निभाए के जेपीएल के वादा

नई दिल्ली, 21 अगस्त 2019 – जिन्दल स्टील एंड पावर लिमिटेड (जेएसपीएल) के सहयोगी कंपनी जिन्दल पावर लिमिटेड (जेपीएल) ह कंपनी सामाजिक दायित्व (सीएसआर) के शानदार उदाहरण पेश करे हे। कंपनी ह छत्तीसगढ़ के रायगढ़ जिला म स्थित तमनार (Tamanar) म पूरा के पानी म बोहा गए एक पुलिया ल रातो-रात बना के तीर-तखार के मनखे मन के दिल जीत लेहे हे। ये सड़क छत्तीसगढ़ ल ओडिशा ले जोड़थे अऊ एकर बड़का कारोबारी महत्व हे। ये सड़क ल स्थानीय मनखे मन के जीवन रेखा माने जाथे।

जेएसपीएल के दिल्ली कार्यालय ले जारी एक प्रेस विज्ञप्ति के मुताबिक जेपीएल तमनार के चहुंमुखी विकास बर कटिबद्ध हे अऊ उहां के मनखे मन के संग कदम ले कदम मिलाके आगू बढ़े ल तत्पर हे। होये से रहिस कि 17 अगस्त के दिन तमनार म मूसलाधार बारिश होइस जेखर से तीर-तखार के क्षेत्र जलमग्न होगए रहिस। पूरा (बाढ़) के बाढ़े ले पानी के धार अतका तेज रहिस कि छत्तीसगढ़ के खुरुशुलेंगा (Khurushlenga) ले ओडिशा के हमीरपुर (Hamirpur) ल जोड़इया कुलडेग नरवा (Kuldeng Channelऋ म बने पुलिया ह बोहा गीस। एखर से लमडाड(Lamdad), गौरबाहरी (Gaurabahari) अऊ धौराभाटा (Dhaurabhantha) समेत बहुत अकन गांव आपस म कट गे जेखर से मनखे मन ल परेशानी होए लगिस। जइसेच ये खबर जेपीएल कार्यालय पहुंचिस, उहां एखर से निपटे के तैयारी होए लगिस।

जेपीएल के प्रेसिडेंट अऊ यूनिट हेड जयदेव चक्रबर्ती (Jaydev Chakravarti) ह चेयरमैन श्री नवीन जिन्दल (Naveen Jindal) के प्रेरणा ले खांटी जानकार के एक टीम तुरंते मौका म भेजिन अऊ ये टीम ह रातो-रात मेहनत करके पुलिया के निर्माण कर डरिन। जेखर से मनखे मन ल बिक्‍कट राहत मिलीस अऊ ओ मन जेपीएल के ये पुनीत काम बर श्री नवीन जिन्दल के धन्यवाद करत हे। जयदेव चक्रबर्ती ह बताइस कि अब क्षेत्र म हालात सामान्य हे। हमर कंपनी के पहली प्राथमिकता तमनार के विकास हे काबर के हम मानथन कि उद्योग के विकास तभे हो सकत हे जब क्षेत्र के विकास होवय।

लउछरहा..