हारमोनियम के सुर लहरी ह सुनइया मन के मन ल मोह लिस

युवा उत्सव म 20 जिला के युवा मन ह हारमोनियम म दीन एकल प्रस्तुति

रायपुर, राज्य स्तरीय युवा महोत्सव म कई राग अऊ लोकधुन मन ऊपर आधारित हारमोनियम वादन ह साइंस कॉलेज ऑडिटोरियम म सुनइया मन के मन ल मोह लिस। एकल हारमोनियम वादन स्पर्धा म 15 ले 40 साल आयु वर्ग म 20 जिला के युवा मन ह मनमोहक प्रस्तुति दीन।
बलौदाबाजार जिला के प्रतिभागी श्री विजय शंकर साहू ह राग कौशिक अवाज म ठुमरी, जांजगीर-चांपा के श्री हरप्रसाद बंजारे ह राग भैरवी, मुंगेली के सुश्री पूजा ठाकुर ह राग केदार, गरियाबंद के श्री दीपक साहू ह राग मिश्र पटदीप, कबीरधाम के श्री वीरेन्द्र सिंह ठाकुर ह तीन ताल म ठुमरी, नारायणपुर के श्री गुड्डूराम ह राग यमन, रायपुर के श्री शिवांश कुर्म ह राग किरवानी अऊ बालोद के श्री राजेश साहू ह ठुमरी म आधारित धुनों के हारमोनियम म आकर्षक प्रस्तुति दे। बस्तर के श्री देवेन्द्र सिंह, जशपुर के श्री राजेन्द्र प्रेमी अउर दुर्ग के श्री समीर शर्मा ह छत्तीसगढ़ी लोकधुन ले ऑडिटोरियम म समां बांधिस।
बलरामपुर-रामानुजगंज जिला के श्री प्रियांशु पाण्डेय, बेमेतरा के श्री रोशन कुमार, कोरिया के सुश्री पूर्णिमा रजवाड़े, राजनांदगांव के श्री ईश्वर दास महंत, सूरजपुर के श्री मोती लाल सारथि, सरगुजा के श्री विकास कुमार, दंतेवाड़ा के श्री सागर कश्यप, रायगढ़ के श्री आकाश तांडी अउर धमतरी के श्री धर्मेन्द्र कुमार ह घलोक हारमोनियम म अपन प्रस्तुति मन ले सुनइया मन ल मंत्रमुग्ध कर दीन।