छत्तीसगढ़ के मुख्यमंत्री नई दिल्ली के छत्तीसगढ़ भवन म लगे हथकरघा अऊ हस्थ शिल्प प्रदर्शनी के करिस उदघाटन

बुनकर मन के कला अउ मेहनत ल सराहिस, ओ मन ल हर संभव मदद करे के दीन भरोसा

रायपुर, छत्तीसगढ़ के मुख्यमंत्री श्री भूपेश बघेल ह आज नई दिल्ली के छत्तीसगढ़ भवन म लगे हस्थशिल्प अउ हथकरघा प्रदर्शनी के शुभारंभ करत, छत्तीसगढ़ के कई हिस्सा ले आए बुनकर मन के कला अउ मेहनत के सराहना करिन। उमन कहिन कि देश के राजधानी दिल्ली म हस्तशिल्प अउ हथकरघा के प्रदर्शनी के आयोजन बुनकर मन के कला ल बढ़ावा दे के संगें-संग उंखर आय बढ़ाए के घलोक बने सारथक उदीम ये। मुख्यमंत्री ह कहिन कि बुनकर मन ल हर सम्भव मदद सरकार कोति ले दीए जाही। संगेच छत्तीसगढ़ के कला देश अउ दुनिया तक पहुँचे एखर कोति बनेच उदीम करे जाही।

इहां बताना जरूरी हे कि इहां लगाए गए प्रदर्शनी म सिल्क के कपड़ा प्राकृतिक रंग ले तियार करे गए हे। जइसे पीला रंग गेंदा के फूल ले बनाये गए हे। काला रंग मशरूम अउ प्याज़ के रंग ले तियार करे गए हे। ये प्रकार से कोसा के कपड़ा जऊन थान म इहां उपलब्‍ध हे, वेज़ीटेबल कलर ले ओ मन ल कलर करे गए हे, जऊन कि इहां अवइया मनखे मन बर मुख्य आकर्षण के केंद्र बने हे। ये प्रदर्शनी म छत्तीसगढ़ के रायगढ़, जाँजगीर-चाम्पा संग कई जिला ले आए बुनकर मन ह कोसा, हथकरघा, के कपड़ा के अलावा छत्तीसगढ़ के क्राफ़्ट ल घलोक विक्रय बर प्रदर्शित करे हें।

लउछरहा..