पलट के हुमेलिस बघेल, गिर गे हे मोदी अउ शाह

साहू समाज उपर दिए पीएम मोदी के बयान बर सीएम भूपेश बघेल हुमेलिस पलट के, कहिस ये बात

धमेन्‍द्र निर्मल के सार समाचार, छत्तीसगढ़ के मुखिया भूपेश बघेल सरगुजा अउ कोरबा जिला म चुनई प्रचार खातिर बुधवार के रवाना होइस। स्वास्थ्य मंत्री टीएस सिंहदेव घलो उन्कर संग गइस। ओकर पहिली मुखिया भूपेश बघेल हँ प्रधानमंत्री नरेंद्र मोदी के साहू समाज उपर दिए एक ठो बयान उपर पलटवार करिन। पीएम मोदी के उठाए जातवादी राजनीति के सवाल उपर सीएम बघेल कहिन कि नरेंद्र मोदी अउ अमित शाह के बारे म आप मन सोचे नइ सकव अतेक अउ ओकर ले जादा घलो उन मन खाल्हे गिर गे हावयं। पीएम मोदी के काली के भाषण घलो उही स्तर के रिहिस हे।




सीएम बघेल कहिन कि छत्तीसगढ़ में जातवाद नइ चलय। कहूँ कोनो एक झन मनखे चोरी करे हे त वो मन सरी जात ल लपेटे के उदीम करत हावय। ये हँ अब्बड़हे दुर्भाग्यपूर्ण हवय। प्रधानमंत्री ल अइसनहा भाखा के उपयोग नइ करना चाही। मुखिया भूपेश बघेल कहिन कि कोनो मनखे कहूँ चोरी करत हे, डकैती करत हे त वो कोनो भी जात या धरम के मनइया हो सकत हे एकर मायने ये थोरे हे कि वो जात धरम के हर मनखे हइतारा या लूटेरा हो जही। ये हँ बिल्कुल गलत बात हे।
बता देंवन कि पीएम नरेन्द्र मोदी हँ कोरबा म मंगल के दिन चुनवई सभा ल संबोधित करत कांग्रेस के ओ बयान उपर पलटवार करे रिहिने, जेमा कांग्रेस लम्बरदार राहुल गांधी ह कहे रिहिस कि हर चोर मोदी काबर होथे। नरेन्द्र मोदी कहिन कि वो कहिथे कि हर मोदी चोर होथे, छत्तीसगढ़ म साहू समाज के जो लोगन हे उही समाज ल गुजरात म मोदी कहे जाथे त का सरी साहू समाज के लोगन चोर हो जही। का उन ला अइसनहा भाखा के प्रयोग करना चाहीं ?



चटकारा
भुखउ:- कस रे सुखउ काली दू चार झिन टूरा मन संग म रिहिसे त कइसन अँटियावत रेहेस, अब देववं का एकात हुद्दा रे ?
सुखउ:- वा काली के बात काली करतेन बड़े भैया, ले न आज दूसर मुद्दा म गोठिया लेबोन त नइ बनही ?




लउछरहा..