रायपुर, संस्कृति मंत्री श्री अमरजीत भगत ह कहिन हे कि शिक्षक मन के समाज निर्माण म अहम भूमिका होथे। श्री भगत आज राजधानी के आनंद समाज वाचनालय म आयोजित शिक्षक सम्मान समारोह ल संबोधित करत रहिन। उमन समारोह म शिक्षक-शिक्षिका मन ल पगड़ी पहिनाके, स्मृति चिन्ह अऊ प्रशस्ति पत्र प्रदान करके सम्मानित करिन।
संस्कृति मंत्री ह कहिन कि पूर्व राष्ट्रपति भारत रत्न सर्वपल्ली डॉ. राधाकृष्णन के जन्मदिन ल शिक्षक दिवस के रूप म मनाए जाथे। उमन कहिन कि शिक्षक मन के सम्मान करना गौरव के बात हे। शिक्षक मन के भूमिका समाज म असाधारण होथे। शिक्षक लइका मन ल ऊंखर लक्ष्य तक पहुंचाए म कोनो कसर नइ छोड़यं। उमन कहिन कि धरती ले चन्द्रमा तक चन्द्रयान भेजइया वैज्ञानिक मन के घलोक कोनो न कोनो गुरू रहे हे। श्री भगत ह कहिन कि सम्मानित शिक्षक-शिक्षिका मन लइका मन के भविष्य निर्माण म अपन महत्वर्पूण योगदान करत रिइहीं। उमन ये बेरा म सबो सम्मानित शिक्षक-शिक्षिका मन ल शुभकामना अऊ बधाई दीन। श्री भगत ह शिक्षक-शिक्षिका मन ल सम्मानित करिन अऊ उंखर उत्साहवर्धन करे बर क्रिएटिव आई प्रमोशन्स संस्था के काम ल सहराइन।
