रायगढ़, ओपी जिंदल विश्वविद्यालय, रायगढ़ ल ‘इंडियाज़ मोस्ट ट्रस्टेड टेक्निकल यूनिवर्सिटी’ अवार्ड ले सम्मानित करे गए हे। 11 अगस्त के दिन नई दिल्ली म आयोजित ‘इंडिया’ज़ मोस्ट ट्रस्टेड ब्रांड्स-2019’ समारोह म विश्वविद्यालय के कुलपति डॉ. आर. डी. पाटीदार अउ कुलसचिव अनुराग विजयवर्गीय ह विश्वविद्यालय कोति ले ये अवार्ड ल झोंकिन। होटल हयात, नई दिल्ली म आयोजित एक भव्य सम्मान समारोह म ये अवार्ड देहे गीस। ए अवसर म डॉ. पाटीदार ह कहिन के देश के स्थापित विश्वविद्यालय मन के बीच अपन अलग मुकाम बनाके ओपी जिंदल विश्वविद्यालय ल बहुत कम समय म ये दूसरइया पइत सम्मान मिलना गौरव के विसय हे। मैं ओपी जिंदल विश्वविद्यालय के सबो सदस्य मन ल ‘इंडिया’ज़ मोस्ट ट्रस्टेड टेक्निकल यूनिवर्सिटी’ (“भारत के सबले भरोसा वाले तकनीकी विश्वविद्यालय”) पुरस्कार जीते बर बधाई देवत हंव। ये चिन्हारी ये के दुनिया हमार शिक्षा अऊ सेवा मन के मानक म गुणवत्ता बनाए रखे के दिशा म हमार संकल्प ल पहिचानत हे जेला हम ओपीजेयू म प्रदान करत हन।
भारत के कुछ सबले बड़े ब्रांड् जइसे गोएयर, हिंदुस्तान पेट्रोलियम, टाटा स्टील, यशराज मूवीज़ अऊ आन प्रतिष्ठित ब्रांड्स के संग मंच साझा करे के अवसर मिलना हमार बर गरब के बेरा रहिस। अपन स्थापना ले ही हमर विश्वविद्यालय छात्र हित म छात्र मन के उज्जवल भविष्य बर काम करत हे। विश्वविद्यालय ल ये सम्मान स्टील टेक्नोलॉजी अउ मैनेजमेंट के क्षेत्र म उत्कृष्ट शिक्षा प्रदान करे म अपन स्तर बनाये रखे म अपन विशिष्ट पहिचान बर घलोक मिले हे। आप ल हम बता देवन के दू दिन पहिली 9 अगस्त के दिनेच ओपी जिंदल विश्वविद्यालय ल ‘इमर्जिंग यूनिवर्सिटी ऑफ़ इंडिया’ अवार्ड ले घलोक सम्मानित करे गीस।
‘इंडिआ’ज़ मोस्ट ट्रस्टेड ब्रांड अवार्ड्स’, IBC (डिवीजन ऑफ इंटरनेशनल ब्रांड कंसल्टिंग कॉरपोरेशन, यूएसए) कोति ले विकसित करे गए हे। ये वो मनखे मन के पहिचान करके जबरदस्त सेवा प्रदान करे हे जेमन उत्पाद अखंडता अऊ ब्रांड विकास के सबले जादा मानक मन ल बनाए रखे हे। ए पुरस्कार ल उपभोक्ता मन अऊ उद्योग म काम करइया मन कोति ले एक ब्रांड बर सबले जादा प्रशंसा के रूप म माने गए हे। पुरस्कार मन के उद्देश्य संस्थान कोति ले स्थापित करे मानक, सराहनीय योगदान अऊ अग्रणी पहल के सराहना करना हे। ए पुरस्कार मन के माध्यम ले शिक्षा के क्षेत्र म उच्च-स्तर ल बनाये रखइया संगठन मन ल सम्मानित करे जात हे।
ये सबे झन जानत हे के रायगढ़ के पुंजीपथरा स्थित ओपी जिंदल विश्वविद्यालय के स्थापना 2014 म (राज्य बिल अधिनियम 13) देश के प्रतिष्ठित औद्योगिक समूह – जिंदल ग्रुप कोति ले देश अऊ विदेश के छात्र मन ल विश्व स्तरीय शिक्षा अऊ प्रशिक्षण प्रदान करे के उद्देश्य ले करे गए रहिस। विश्वविद्यालय विश्व स्तर के पाठ्यक्रम, विश्व स्तरीय शिक्षक, आधुनिक शिक्षण विधि, अत्याधुनिक बुनियादी ढाँचा अऊ शिक्षार्थी मन ल एक जीवंत परिसर प्रदान करे बर प्रतिबद्ध हे; अऊ विश्वविद्यालय ल इस्पात प्रौद्योगिकी अऊ प्रबंधन के सबले विशिष्ट अऊ विश्वस्तरीय विश्वविद्यालय बनाए म विशेष ध्यान देहे जात हे।
