रायपुर, मुख्यमंत्री श्री भूपेश बघेल ह आज भिनसरहा अपन निवास कार्यालय म जनसंपर्क विभाग कोति ले नवा कलेवर म प्रकाशित मासिक पत्रिका ’जनमन’ के विमोचन करिस ।
जनसंपर्क विभाग कोति ले मासिक पत्रिका जनमन के प्रकाशन नवा कलेवर म करे गए हे। एमा अकटूबर 2019 के अंक म छत्तीसगढ़ अस्मिता के छलांग ल आवरण कथा के रूप म आकर्षक ढंग ले प्रस्तुत करे गए हे। पत्रिका म महात्मा गांधी जी के 150वीं जयंती ऊपर छत्तीसगढ़ राज्य म आयोजित गांधी विचार पदयात्रा संग आन कार्यक्रम मन के अऊ महात्मा गांधी के छत्तीसगढ़ प्रवास म विशेष लेख प्रकाशित करे गए हे संगेच पूर्व प्रधानमंत्री स्वर्गीय श्री राजीव गांधी जी के छत्तीसगढ़ के कुल्हाड़ीघाट अऊ दुगली प्रवास ल सचित्र बड़ आकर्षक ढंग ले प्रस्तुत करे गए हे।
मुख्यमंत्री श्री भूपेश बघेल के नेतृत्व म छत्तीसगढ़ म महात्मा गांधी के आदर्श अऊ विचार म चलत करे जात विकास काम मन, संस्कृति के संरक्षण अऊ संवर्धन के तहत तीज त्योहार मन के आयोजन म विशेष जानकारी देहे गए हे। ए अवसर म मुख्य सचिव श्री सुनील कुजूर, संस्कृति विभाग के सचिव श्री सिद्धार्थ कोमल परदेशी, आयुक्त जनसंपर्क श्री तारण प्रकाश सिन्हा, संचालक संस्कृति श्री अनिल साहू अउ संवाद के अकतहा मुख्य पालन अधिकारी श्री उमेश मिश्रा उपस्थित रहिन।
