कोरबा लोकसभा सीट ले अजीत जोगी लड़ही चुनाव

खबर हे के कोरबा लोकसभा सीट ले छत्‍तीसगढ़ के पहिली मुख्‍यमंत्री अजीत जोगी ही चुनाव लड़ईया हे। अमित जोगी ह आज कोरबा म ये बात के ऐलान करे हे। कार्यकर्ता मन ल संबोधित करत अमित जोगी ह कांग्रेस उपर आरोप लगात कहिन के कांग्रेस सरकार ह शराब ठेकेदार मन ले 500 करोड़ रुपिया के घूस लेहे हे। बेरोजगारी भत्ता ल लेके उमन सवाल करिन के, सरकार बतावय के अभी तक कोनो बेरोजगार ल बेरोजगारी भत्ता काबर नइ मिले हे। एती सरकार 30 ठन नवा कोयला खदान खोले के परमिसन तको दे देहे हे। उमन आरोप लगाइन के कोरबा के सांसद ह सिरिफ अपन बेटा के विकास करे हे।
हम आप ल बता देवन के पाछू महीना कोरबा म गैर राजनैतिक संगठन छत्‍तीसगढि़या क्रांति सेना ह जबर लउठी रैली करके छत्‍तीसगढि़या मन के अस्मिता ल जगा देहे हे अब अइसे म जोगी जी बर बने खातू-पानी छिंचा गए हे।

लउछरहा..