रायपुर, जिंदल स्टील एंड पावर लिमिटेड के मंदिरहसौद स्थित मशीनरी डिविजन म हर साल के मुताबिक ये साल घलोक देश के सबले बडे़ राष्ट्रीय पर्व स्वतंत्रता दिवस ल बड उमंग अउ उछाह के संग मनाए गीस। ये मौका म अध्यक्ष श्री प्रदीप टंडन जी ह अपन संबोधन म उपस्थित जम्मो कर्मचारी, श्रमिक अऊ ऊंखर परिवार वाले मन ल 73वां स्वतंत्रता दिवस के हार्दिक बधाई दीन। रक्षा बंधन म बहिनी मन ल बधाई देवत अपन सन्देश मे आज बांटे गए सिर सुरक्षा कवच, हेलमेट के सदुपयोग करे म घलोक प्रकाश डालिन।
ये साल घलोक जिंदल स्टील एंड पावर लिमिटेड के मंदिरहसौद स्थित मशीनरी डिविजन म देश के सबले बडे़ राष्ट्रीय पर्व स्वतंत्रता दिवस ल बड हर्षोलास के संग मनाए गीस अऊ हेलमेट वितरण घलोक करे गीस। ये पावन मौका म कारखाना स्थित हैरिटेज पार्क म भिनसरहा 9.00 बजे कारखाना के कारखाना प्रमुख श्री कोशल शर्मा जी कोति ले ध्वजारोहण करे गीस अऊ परंपरा मुताबिक संस्थान के चेयरमेन के संदेश ले सभा ल संबोधित करे गीस। ये मौका म अध्यक्ष श्री प्रदिप टंडन जी ह अपन संबोधन म उपस्थित जम्मो कर्मचारी, श्रमिक अऊ ऊंखर परिवार वाले मन ल 73वां स्वतंत्रता दिवस के हार्दिक बधाई दीन।
ये बेरा म रायपुर पुलिस कोति ले ले ‘‘हर मूड़ी म होही हेलमेट‘‘ के अभियान के तहत मंदिरहसौद थानाप्रभारी श्री मनीष परिहार जी ह बाइक/स्कूटर ले अवइया-जवइया वाले कर्मचारी मन ल हेलमेट बांट के उमन ल सुरक्षा के शपथ देवाइन। कार्यक्रम के समापन म मिठाई बांटे गीस।
