कबीरपंथ के गुरु पंथ उग्रनाम साहेब के सुरता म लालेसरा म 4 दिवसीय संत समागम 12 जनवरी ले

बेमेतरा, 11 जनवरी 2024। कबीर पंथ ले जुडे़ महत्वपूर्ण स्थल लालेसरा म 12 ले 15 जनवरी तक 4 दिवसीय संत समागम के आयोजन करे जात हे। उप मुख्यमंत्री श्री विजय शर्मा आज बेमेतरा जिला अंतर्गत ग्राम लालेसरा पहुंचिन अऊ उहां आयोजित होवइया संत समागम मेला के तैयारी मन के जायजा लीन अऊ सबो व्यवस्था पूरा करे के हुकुम दीन।
उप मुख्यमंत्री श्री शर्मा ह मेला स्थल निरीक्षण के समय उहां पेयजल, प्रकाश अऊ पार्किंग अऊ साफ-सफाई के बहुत व्यवस्था बर जरूरी निर्देश दीन। उमन कहिन के 4 दिन के मेला के समय पुलिस प्रशासन उचित व्यवस्था कर लेवय अऊ मेला स्थल म पुलिस बल तैनात रहय ताकि चोरी जइसे घटना झन होवय। उमन कबीरपंथ के पदाधिकारी मन ले कहिन के 4 दिन के मेला म अलग-अलग दिन बर वरिष्ठ जन प्रतिनिधि ल आमंत्रित करे जाए।
जानबा हे कि कबीर पंथ के गुरू उग्रनाम साहेब के स्मृति म आयोजित होवइया संत समागम कार्यक्रम ल लेके क्षेत्र के कबीर पंथी मन म ख़ासा उत्साह हे। जगा-जगा प्रवेश द्वार बनाए जात हे। लालेसरा गांव ल फलैक्स-बैनर ले सजाए जात हे। ये बेरा म जिला कलेक्टर रणबीर शर्मा पुलिस अधीक्षक श्रीमती भावना गुप्ता, जिला स्तरीय अधिकारीगण संग मेला आयोजन समिति के पदाधिकारी विजेंद्र सिंह वर्मा, सरपंच प्रतिनिधि गण अऊ कबीरपंथ के पदाधिकारी मौजूद रहिन।