कबीर साहेब के विचार ल अपनाके आगू बढ़य समाज: डॅा. महंत

मानिकपुरी पनिका समाज के कार्यक्रम म सामिल होइस विधानसभा अध्यक्ष अउ राजस्व मंत्री

कोरबा, भारतीय मानिकपुरी पनिका समाज के नववर्ष स्नेह मिलन समारोह अउ युवक युवती सम्मेलन समारोह म कबीरबाग कोसाबाड़ी पहुंचे मुख्य अतिथि विधानसभा अध्यक्ष डॉ चरणदास महंत ह कहिन के कबीर साहेब के नाम पूरा दुनिया म हे। ऊंखर विचार मन अउ संदेश ल अपनाके आपसी भाईचारा अउ एक बेहतर समाज के निर्माण करे जा सकत हे। कबीर साहेब ह सबला एकता के संदेश देहे हें। इही सेती सिरिफ मानिकपुरी पनिका समाज ही नहीं आन समाज के मनखे घलोक बड़ सख्ंया म कबीर साहेब के अनुयायी हें। उमन समाज के युवा मन से ऊंखर विचार अउ संदेश मन ल आगू बढ़ाए बर होत उदीम के के सराहना करत कहिन के समाज के सबो मनखे जऊन अलग अलग क्षेत्र मन म हे, सबो ल एक मंच म लाके आगू बढ़े के जरूरत हे। डॉ महंत ह कहिन के अन्याय ल रोकना घलोक समाज के काम हे काबर के कबीर साहेब ह अन्याय के खिलाफ लड़ाई लडि़न अऊ एकता, भाई चारा, प्रेम ,सदभाव के संदेश जन जन ल दीन।
विकास के रद्दा म आगू बढ़य समाज- राजस्व मंत्री जयसिंह अग्रवाल
कार्यक्रम म पहुचे राजस्व, आपदा प्रबंधन, पुर्नवास, पंजीयन अउर मुद्रांक मंत्री श्री जय सिंह अग्रवाल ह कहिन के सबो समाज ल आगू बढ़ाए बर ओ मन हमेसा तत्पर रहिथें। उमन कहिन के सबो समाज ल विकास के राह म आगू बढ़ाना सरकार के प्राथमिकता हे। कार्यक्रम म आचार्य श्री मिटठू दास, श्री कबड्डी दास, पूर्व विधायक श्री श्यामलाल कंवर, पूर्व निगम सभापति श्री संतोष राठौर, पोषक दास महंत, दर्शन मानिकपुरी, गणेश कुलदीप, गौतम दीवान, पवन दास, अतुल मानिकपुरी, दिनेश महंत, विष्णुदास, गंगा महंत, निर्मला महंत, चैतीदेवी महंत, गीता महंत, राजकिशोर प्रसाद, श्याम सुंदर सोनी आदि उपस्थित रहिन।

लउछरहा..