जगदलपुर, बस्तर जिला के लोहण्डीगुड़ा विकासखण्ड के दूरस्थ अऊ संवेदनशील ग्राम ककनार म बिरसपतवार के दिन जिलास्तरीय जनसमस्या निवारण शिविर के आयोजन करे गीस। शिविर म कलेक्टर डॉ. अय्याज तम्बोली ह गांव वाले मन के समस्या मन ल सुनिन अऊ ऊंखर निदान के संबंध म अधिकारी मन ल निर्देशित करिन। शिविर म 299 आवेदन मिलिस, जेमा 253 के मौकाच म निराकरण करे गीस।
ए अवसर म जिला पंचायत के मुख्य कार्यपालन अधिकारी श्री प्रभात मलिक, जनपद पंचायत उपाध्यक्ष श्री ललित पाण्डेय अऊ जिला पंचायत सदस्य श्रीमती बालो बघेल घलोक उपस्थित रहिन।
