मुख्यमंत्री श्री भूपेश बघेल ह आज बिहनिया महादेव घाट म करिस कातिक पुन्नी अस्‍नान

प्रदेशवासी मन के सुख-समृद्धि के कामना करिन

रायपुर, मुख्यमंत्री श्री भूपेश बघेल ह आज कार्तिक पुन्नी के अवसर म बिहनिया राजधानी रायपुर के महादेव घाट पहुंचके खारून नदी म कातिक पुन्नी अस्‍नान करके प्रदेशवासी मन के सुख-समृद्धि के कामना करिन। मुख्यमंत्री ह खारून नदी म कातिक अस्‍नान करे के पाछू नदी घाट म स्थित ऐतिहासिक हटकेश्वर महादेव मंदिर म महादेव के जलाभिषेक करके पूजा-अर्चना करिन अऊ प्रदेश के विकास बर प्रार्थना करिन। मुख्यमंत्री परंपरागत गंगा आरती कार्यक्रम म सम्मिलित होइन अउ दीपदान करिन। उमन कातिक पुन्नी के सबो ल बधाई व शुभकामना दीन।

ये बेरा म आयोजित मंचीय कार्यक्रम म लोककलाकार श्री दिलीप षडंगी कोति ले राज्यगीत ’अरपा पैरी के धार’ के प्रस्तुति दिए गीस। कार्यक्रम म विधायक रायपुर पश्चिम श्री विकास उपाध्याय, विधायक रायपुर ग्रामीण श्री सत्यनारायण शर्मा, महापौर प्रमोद दुबे, श्री रामसुंदर दास, श्री प्रदीप शर्मा, श्री विनोद वर्मा संग आन गणमान्य नागरिक अऊ बड़ संख्या म श्रद्धालुगण उपस्थित रहिन।

ये समाचार ल आप हिन्‍दी म ये कड़ी ले पढ़ सकत हव.

लउछरहा..