उद्योग मंत्री श्री लखमा उच्चाधिकारी मन के संग कनाडा प्रवास म

रायपुर, उद्योग मंत्री श्री कवासी लखमा के नेतृत्व म कनाडा प्रवास के दूसर दिन ऑटोमोटिव सेक्टर अउ कृषि अउ फूड प्रोसेसिंग क्षेत्र मन म छतीसगढ़ म निवेश ल बढ़ावा देहे बर एमओयू करे गए हे। विंडसर एसेक्स चौम्बर ऑफ कॉमर्स अउ कैनेडियन एसोसिएशन ऑफ मोल्ड मेकर्स अउ राज्य शासन के बीच दू स्ट्रेटजिक एमओयू करे गीस। एख अवसर म मुख्य सचिव श्री सुनील कुजूर, अपर मुख्य सचिव वित्त श्री अमिताभ जैन उपस्थित रहिन।

उद्योग मंत्री श्री कवासी लखमा ह कनाडा म भारतीय उद्योगपति मन ले मुलाकात करिन। उमन ऑटो पार्ट्स के एक्सपोर्टर श्री हिमप्रीत सिंह, इंजीनियरिंग समान मन के उत्पादक श्री रजत हांडा, इंजीनियरिंग एक्सपोर्ट प्रोमोशन कॉउंसिल भारत सरकार के सीनियर डायरेक्टर श्री दीपक ठाकुर ले राज्य म मूल्य संवर्धित उत्पाद मन के निर्माण के संबंध म विस्तृत चर्चा करिन।

मुख्य सचिव श्री सुनील कुजुर ह ए अवसर म उद्योगपति मन ले मुलाकात करिन। ए अवसर म अपर मुख्य सचिव श्री अमिताभ जैन ले छत्तीसगढ़ म निवेश के संभावना मन उपर एक प्रस्तुतिकरण दे गीस अउ राज्य म प्रमुख रूप ले ऑटो कंपोनेंट म निवेश बर विंडसर के उद्योगपति मन ले चर्चा करे गीस।

लउछरहा..