केशवनगर अऊ नयनपुर के किसान मन के बदलही तकदीर

रायपुर, सूरजपुर जिला के ग्राम केशवनगर म रेहर नदी म बनाय गे एनीकट म सौर सामुदायिक सिंचाई योजना के पूरा होए म इहां के किसान अब तीन फसल ले सकहीं। ए किसान मन ह काल केशवनगर के चौपाल म मुख्यमंत्री श्री भूपेश बघेल ले मुलाकात करिन अऊ ओ मन ल गांव म स्थापित करे जात एखर योजना के बारे म बताइन।

ग्राम केशवनगर अउ नयनपुर के बीच ले रेहर नदी होके गुजरथे, जऊन म जल संसाधन विभाग कोति ले एनीकट घलोक बनाये गए हे। जेखर से नदी म साल भर पानी के उपलब्धता रहिथे। ग्राम केशवनगर अउ नयनपुर म कुल 144 किसान मन के 185 एकड़ जमीन म सौर सामुदायिक सिंचाई योजना के तहत सिंचाई बर 60 नग 5 एच.पी. क्षमता के डी.सी. सोलर सरफेस पंप के स्थापना करे जात हे। जेमां ले 24 नग सोलर पंप स्थापित हो गे हे, बांचे 36 नग सोलर पंप के स्थापना के काम प्रगति म हे।

सोलर पंप स्थापना के पहिली किसान मन सिरिफ एक फसल लेत रहिन। किसान सिंचाई के साधन के अभाव म दूसर किसान मन के जमीन म मजदूरी करके गुजारा करत रहिन। आदिवासी बाहुल्य क्षेत्र होए के सेती गरीब तबके के किसान मन बर डीजल पंप-केरोसीन पंप ले सिंचाई कर पाना संभव नइ रहिस। पानी के उपलब्धता होए ले सोलर पंप लग जाय ले किसान मन म म काफी उत्साह हे।

लउछरहा..