राजकीय सम्मान के संग श्री केयूर भूषण ल आखरी बिदाई

स्वतंत्रता संग्राम सेनानी अऊ रायपुर लोकसभा क्षेत्र के पहिली सांसद स्वर्गीय श्री केयूर भूषण ल गमगीन माहौल म राजकीय सम्मान के संग दे गीस आखरी बिदई

रायपुर, 4 मई 2018। स्वतंत्रता संग्राम सेनानी अऊ रायपुर लोकसभा क्षेत्र के पहिली सांसद स्वर्गीय श्री केयूर भूषण ल आज राजधानी रायपुर के महादेवघाट स्थित मुक्तिधाम म राजकीय सम्मान के संग गमगीन माहौल म आखरी बिदाई दे गीस। ओ मन ल गार्ड ऑफ ऑनर घलोक दे गीस। मुख्यमंत्री डॉ. रमन सिंह ह उंखर पार्थिव देह म पुष्पचक्र अर्पित करके ओ मन ल विनम्र श्रद्धांजलि अर्पित करिन।


(adsbygoogle = window.adsbygoogle || []).push({});

मुख्यमंत्री ह ए अवसर म आयोजित शोक सभा म कहिन कि स्वर्गीय श्री केयूर भूषण के निधन ले छत्तीसगढ़ संग देश ह गांधीवादी दर्शन अऊ विनोबा जी के सर्वोदय विचारधारा के एक महान चिंतक ल हमेशा बर खो देहे हे। ओ मन अइसन सरल व्यक्तित्व के धनी रहिन, जेमन ल सबो अपन कहत रहिन। उमन आजीवन गांधीवादी अऊ सर्वोदयी विचारधारा के निर्वाह करिन। उमन म अद्भूत ऊर्जा रहिस अऊ सत्य के प्रति उंखर गहरा आग्रह रहिस। उमन तत्कालीन पंजाब म शांति के स्थापना बर पदयात्रा करे रहिन। छत्तीसगढ़ राज्य निर्माण के आंदोलन ल उमन गतिशीलता प्रदान करिन अऊ छत्तीसगढ़ के नवनिर्माण म घलोक उंखर महत्वपूर्ण योगदान रहिस। श्री केयूर भूषण ह गांधीजी के असहयोग आंदोलन म हिस्सा ले रहिन अऊ अस्पृश्यता उन्मूलन बर काम करे रहिन। मुख्यमंत्री ह कहिन कि मैं ह गांधीजी ल नइ देखेंव, स्वर्गीय श्री केयूर भूषण जी ल देखके ये महसूस होत रहिस कि गांधीजी कइसे रहिस होही। मुख्यमंत्री ह स्वर्गीय श्री केयूर भूषण के शोक संतप्त परिवारजन के प्रति संवेदना प्रकट करत दिवंगत आत्मा के शांति बर ईश्वर ले प्रार्थना करिन। मुख्यमंत्री ह स्वर्गीय श्री केयूर भूषण के स्मृति म मुक्तिधाम म बरगद के पौधा घलोक रोपिन।

(adsbygoogle = window.adsbygoogle || []).push({});

लउछरहा..