खेल मंत्री ह करिन खिलाड़ी मन ले मुलाकात

Surabhi Tiwari

रायपुर, खेल मंत्री श्री उमेश पटेल अपन रायपुर निवास कार्यालय म सायकल पोलो अऊ सायकिलिंग के खिलाड़ी मन ले मुलाकात करिन। मुलाकात करइया खिलाड़ी मन म ले कुछ लइका मन ल पाछू बछर म ऊंखर उत्कृष्ट प्रदर्शन बर मुख्यमंत्री अवार्ड ले नवाजे गए हें। श्री पटेल ह सबो लइका मन ले मिल के खुशी जाहिर करिन अऊ ऊंखर उज्ज्वल भविष्य बर शुभकामना दीन। ये बेरा म सायकल पोलो अऊ सायकिलिंग खेल के आन पदाधिकारी घलोक मौजूद रहिन।

लउछरहा..