कबड्डी पुरूष म दुर्ग अऊ खो-खो महिला वर्ग म महासमुन्द ह लहराइस परचम
रायपुर, राज्य युवा महोत्सव-2020 के आयोजन के आखरी दिन रविशंकर विश्वविद्यालय खेल परिसर म खो-खो खेल म 15 ले 40 साल तक आयु समूह के पुरूष वर्ग के प्रतियोगिता कांकेर जिला के टीम ह जीतिस। कांकेर के टीम ह बालोद जिला के टीम ल फायनल मुकाबला म मात दीस। ए प्रतियोगिता म राजनांदगांव जिला के टीम ह तीसर स्थान प्राप्त करिस। विजेता खिलाड़ी मन ल अर्जुन पुरस्कार ले सम्मानित हॉकी खिलाड़ी सबा अंजुम खान ह, पुरस्कार प्रदान करिस।
