आंध्रप्रदेश, अरूणाचल प्रदेश, केरल, छत्तीसगढ़ अऊ मध्यप्रदेश के कलाकार मन ह देखाइन संस्कृति के झलक
रायपुर, कर्नाटक के वनांचल क्षेत्र मन म फसल कटाई के समय जउन सामूहिक कोलाट नृत्य करे जाथे उही सामूहिक कोलाट नृत्य ह आज के कार्यक्रम म दर्शक मन के मन मोह लीस। पारंपरिक वेशभूषा म सजे-धजे ए लोक कलाकार मन के प्रस्तुति देखतेच बनत रहिस। लोकभाषा म गायन अऊ संगीत ह कोलाट नृत्य म नवा रंग भर दीस। कोलाट नृत्य के प्रस्तुति गुजरात के डांडिया नृत्य के जइसे रहिस। डांडिया के मुकाबला म ये मा गति कम रहिस, फेर कदम मन के लय अऊ संयोजन एला अलग स्तर देवत रहिस। साइंस कालेज मैदान म राष्ट्रीय आदिवासी नृत्य महोत्सव म आज आंध्रप्रदेश, अरूणाचल प्रदेश, केरल, छत्तीसगढ़ अऊ मध्यप्रदेश के कलाकार मन ह अपन प्रस्तुति दीन।
