कोरबा म युवा महोत्सव के जिला स्तरीय विजेता मन ल मिलही चार लाख दू हजार रूपिया के प्रोत्साहन राशि

  • सांसद, राजस्व मंत्री, संस्कृति मंत्री संग विधायक देहीं ये राशि
  • गढ़बो नवा छत्तीसगढ़ के तर्ज म जिला स्तरीय युवा महोत्सव के पहिली दिन

कोरबा, खेल अउ युवा कल्याण विभाग छ.ग. शासन के निर्देशन अउ जिला प्रशासन के तरफ ले गढ़बो नवा छत्तीसगढ़ के थीम म जिला स्तरीय युवा महोत्सव के आयोजन शासकीय उच्चतर माध्यमिक विद्यालय, सिंघिया, विकासखण्ड पोंड़ीउपरोड़ा के प्रांगण म मुख्य अतिथि मोहित राम केरकेटटा, विधायक पालीतानाखार कोति ले द्वीप प्रज्जवलन कर छत्तीसगढ़ राज्य अरपा पैरी के धार राजगीत ले चालू करे गीस।

मुख्य अतिथि ह अपन उद्बोधन म कहिन कि विभाग कोति ले अइसन आयोजन ले छत्तीसगढ़ के कलाकार मन के मनोबल बाढ़थे। उमन सबो भाग लेवईया मन ल राज्य स्तरीय युवा महोत्सव म स्थान प्राप्त करे बर शुभकामना दीन। मुख्य अतिथि कोति ले अपन संदेश म बताइए गीस कि कार्यक्रम म विजेता लोक कलाकार मन ल सांसद कोरबा कोति ले एक लाख रूपिया, राजस्व मंत्री श्री जयसिंह अग्रवाल कोति ले एक लाख रूपिया, संस्कृति मंत्री श्री अमरजीत भगत कोति ले एक लाख रूपिया, विधायक कटघोरा श्री पुरूषोत्तम कंवर कोति ले 51 हजार रूपिया अउ विधायक पाली तानाखार श्री मोहित राम केरकेट्टा कोति ले 51 हजार रूपिया के प्रोत्साहन राशि देहे के घोषणा करे गीस। विजेता मन ल प्रोत्साहित करे बर ये घोषित राशि चार लाख दू हजार रूपिया ल सबो विजेता मन म बराबर-बराबर बॉंटे जाही।

काली के आयोजन म सबो विकासखण्ड मन ले 15 ले 40 साल आयु वर्ग के पुरूष अउ महिला भाग लेवइया संघरिन। कार्यक्रम म लोकनृत्य म पोंड़ीउपरोड़ा विजेता, कोरबा उपविजेता, लोकगीत म विजेता कोरबा, उपविजेता कोरबा, एकांकी नाटक म कोरबा विजेता, उपविजेता पोंड़ीउपरोड़ा, बांसुरी वादन म हिरपाल दास विजेता, उपविजेता हर्ष अग्रवाल कोरबा, तबला वादन म विजेता नवीन दास महंत, उपविजेता विकास यादव, हारमोनियम म श्रीमती जयप्रीत कौर विजेता, उपविजेता प्रशांत कुमार कोरबा, तात्कालिक भाषण म विजेता राजपटेल कोरबा, उपविजेता सोनम चौधरी करतला, शास्त्रीय गायन (हिन्दुस्तान शैली) म विजेता श्रीमती जसप्रीत कौर, उपविजेता सरद यादव, शास्त्रीय नृत्य कत्थक म विजेता दीक्षा सिंह, उपविजेता नजमा, भरतनाट्टयम म विजेता लखनलाल, सरगबुदिया करतला रहिन। आन विधा मन के अंतर्गत कर्मा नृत्य म पोंड़ीउपरोड़ा ग्रुप उपविजेता सत्यनारायण, सुआ नृत्य म विजेता इंद्राणी कोरबा, चित्रकला म विजेता राहुल यादव कोरबा, उपविजेता सुमन दास पोंड़ीउपरोड़ा, निबंध म विजेता निर्मला राठिया, करतला उपविजेता सीमा पाटले कटघोरा, क्विज म विजेता तरूण जायसवाल परसदा, उपविजेता शिवानी साहू करतला, वाद विवाद म अर्जुन कैवर्त पाली, उपविजेता डिकेश्वर साहू कोरबा, पारम्परिक वेश-भूषा म विजेता प्रेमलता इक्का, उपविजेता आकांक्षा शुक्ला कोरबा, खो-खो पुरूष वर्ग म करतला विजेता, कोरबा उपविजेता, महिला वर्ग म करतला विजेता, पाली उपविजेता, कबड्डी पुरूष वर्ग म विजेता कटघोरा, उपविजेता पाली, भंवरा चालन म विजेता लक्ष्मी शंकर करतला, उपविजेता अभिषेक लहरे, फुगड़ी म विजेता कु. महिमा करतला विजेता, उपविजेता काजिर कोरबा, डंडा नाचा म विजेता सेंद्रीपाली, उपविजेता परसदा रहिन। सबो विजेता उपविजेता मन ल खेल अउ युवा कल्याण विभाग कोति ले इनाम तको देहे गीस।

लउछरहा..