सीएम भूपेश अँड़ियागे: लाल आतंक के आगू नइ मड़ियावै सरकार न बस्तर के जनता

छत्तीसगढ़ के दंतेवाड़ा म लोकसभा चुनई के ऐन मौका के पहिली नक्सली मन हमला कर दिन। जेमा दंतेवाड़ा के भाजपा विधायक भीमा मंडावी सरगवासी होगे। संगे संग ओकर ड्राइवर अउ तीन झन ओएसडी घलो सरग सिधार गए। ए हमला के बाद राज सरकार घलो कड़ई करे के मन बना डारे हे अउ दंतेवाड़ा के श्रध्दांजलि सभा म संघरे मुखिया भूपेष बघेल हँ ए बात कहिन कि लाल आतंक के आगू न सरकार मडियावै न बस्तर के जनता।
बीते पाछू मंगल के दिन दंतेवाड़ा म कुआंकोण्डा थाना के अंतर्गत नकुलनार मार्ग म नक्सली मन हमला करके भाजपा विधायक भीमा मंडावी के दल निसाना बनाके आईईडी ब्लास्ट कर दिन जेमा पाँच मनखे सरग सिधार गे। सरगवासी होगे। संगे संग ओकर ड्राइवर अउ तीन झन ओएसडी घलो सरग सिधार गए। मंगल के दिन होए ए हमला के बिहान भर मृत विधायक अउ उन्कर संगे संग होए शहीद मन ल दंतेवाड़ा म श्रध्दांजलि दिए गइस। सभा म प्रदेश्‍ के मुखिया भूपेश्‍ बघेल घलो संघरे रिहिन।




मुखिया भूपेश बघेल श्रध्दांजलि सभा ले जाए के पीछू एक ठो ट्वीट करिन। ट्वीट म भूपेष बघेल लिखिन कि – ये कांड हं गज्जब दुखद अउ पीरा देवइया हे। दंतेवाड़ा नक्सली हमला म होए शहीद मन के बलिदान ल सौ सौ बार प्रणाम। ए लाल आतके के आगू म न सरकार मडियावै न बस्तर के जनता। नक्सली मन उन्कर गोली के करारा जुवाब मिलही। लाल आतंक हारही, बस्तर के जनता जीतही, लोकतंत्र के जीत होहीं।

बता देथन कि 11 अप्रैल के उहां मतदान होवइया हे। ओकर 36 घंटा पहिली नक्सली मन ए कांड कर दिन। एकर पहिली नक्सली उहां के जनता मन ल डरवाके चुनई बहिस्कार के उदीम करे हावयं। शहीद विधायक भीमा मंडावी हं बस्तर टाइगर महेन्द्र कर्मा ल हरवा के विधायक बने रिहिने।



चटकारा:-
कोदू:- अरे आगू तनि अउ नी जाना हे रे भाई, बघवा के माड़ा हे।
घसिया:- अरे बघवा के माड़च हे त का करिबे पीछू तो सारा सिकारी बंदूकवा के नाल धँसाए राखे हावय।

लउछरहा..